ફ્રાન્સમાં ચાલી રહેલા રાષ્ટ્રવ્યાપી વિરોધ પ્રદર્શનોએ એક અનોખો વળાંક લીધો છે. આ વિરોધ પ્રદર્શનો દરમિયાન, જે હવે અથડામણ અને અશાંતિમાં પરિણમ્યા છે, લોકો સુપરહીરો અને કેપ્ટન અમેરિકા, સ્પાઇડર-મેન, બેટમેન, ડેડપૂલ અને સુપરમેન જેવા કાલ્પનિક પાત્રોના પોશાક પહેરેલા જોવા મળે છે.
આવું જ એક રસપ્રદ દૃશ્ય માર્સેલીથી બહાર આવ્યું, જ્યાં કેપ્ટન અમેરિકાનો પોશાક પહેરેલો એક પ્રદર્શનકારી પોલીસ દ્વારા ઉપયોગમાં લેવાતા પાણીના તોપોને પોતાની ઢાલથી ફેરવતો જોવા મળ્યો. સોશિયલ મીડિયા પર ફરતા અન્ય વિડીયોમાં બોર્ડેક્સમાં બેટમેન અને પેરિસમાં સ્પાઇડર-મેનનો પોશાક પહેરેલા લોકો જોવા મળ્યા, જે આ વિરોધ પ્રદર્શનોમાં એક અનોખો અને વિશિષ્ટ દ્રશ્ય બનાવે છે.
માર્સેલીના વિરોધ પ્રદર્શનો દરમિયાન, કેપ્ટન અમેરિકાનો પોશાક પહેરેલો એક પ્રદર્શનકારી ચર્ચાનો વિષય બન્યો. ફૂટેજમાં તેને પોલીસના પાણીના તોપોથી બચવા માટે સુપરહીરોની ઢાલનો ઉપયોગ કરતા દર્શાવવામાં આવ્યા હતા, જેના કારણે સોશિયલ મીડિયા પર ફોટા અને વીડિયો વ્યાપકપણે શેર કરવામાં આવ્યા હતા.
ફ્રાન્સમાં વિરોધ પ્રદર્શનો દરમિયાન સુપરહીરોના પોશાક પહેરવા એ લોકો માટે તેમના વિચારો વ્યક્ત કરવાનો એક અનોખો રસ્તો હોઈ શકે છે. કેપ્ટન અમેરિકા, સ્પાઇડર-મેન અને બેટમેન જેવા પાત્રોએ સોશિયલ મીડિયામાં ચર્ચા જગાવી છે. પ્રદર્શનો સામાન્ય રીતે જાહેર ગુસ્સો, પોલીસ તૈનાત અને અથડામણો દ્વારા ચિહ્નત થાય છે. જોકે, એ સ્પષ્ટ નથી કે આ એક આયોજિત રણનીતિ છે કે વ્યક્તિગત પહેલ.
આ વિરોધ પ્રદર્શનો હવે વિદ્યાર્થીઓના પ્રારંભિક આંદોલનથી આગળ વધી ગયા છે. વિદ્યાર્થીઓ, શિક્ષકો, ટ્રેડ યુનિયનવાદીઓ અને “યલો વેસ્ટ” ચળવળના સમર્થકો હવે તેમની સાથે જોડાયા છે. અહેવાલો દર્શાવે છે કે પેરિસ અને અન્ય શહેરોમાં ૫૦૦,૦૦૦ થી વધુ લોકો એકઠા થયા હતા. વધતી જતી મોંઘવારી અને જાહેર સેવાઓની નબળી સ્થીતિથી વ્યથિત, તેઓ સુધારાની માંગ કરી રહ્યા હતા.
આ અશાંતિ વચ્ચે, પેરિસના પ્લેસ ડે લા રિપબ્લીકમાં કેટલાક આઘાતજનક દ્રશ્યો જાવા મળ્યા. અહીં, ફ્રેન્ચ રિપબ્લીકના પ્રતીક મેરિયાનની પ્રતિમા પીળી વેસ્ટ પહેરેલી જાવા મળી. સ્મારકના પાયામાં સ્વતંત્રતા, સમાનતા અને બંધુત્વનું પ્રતિનિધિત્વ કરતી પ્રતિમાઓના ચહેરા પર કાળા નિશાન હતા જે આંસુ જેવા દેખાતા હતા. આખો વિસ્તાર ટીયર ગેસના ધુમાડાથી ભરેલો હતો.