
મહીસાગર જિલ્લામાં નલ સે જલ કૌભાંડ મામલે CID ક્રાઈમે વધુ એક આરોપીની ધરપકડ કરી છે. વાસ્મો કચેરીના પૂર્વ આઉટસોર્સિંગ મિકેનિકલ એન્જિનિયર મોહસીન ગનીભાઈ મન્સુરીને ઝડપી લેવાયા છે.
CID ક્રાઈમની તપાસમાં સામે આવ્યું છે કે મોહસીન મન્સુરીએ 1 સપ્ટેમ્બર 2021થી એપ્રિલ 2023 સુધી મહીસાગર વાસ્મો કચેરીમાં આઉટસોર્સિંગ મિકેનિકલ એન્જિનિયર તરીકે કામ કર્યું હતું. તેના પર 8 લાખ 60 હજાર રૂપિયાની રકમ લેવાનો આરોપ છે.નલ સે જલ યોજના હેઠળ થયેલી ગેરરીતિઓની CID ક્રાઈમ તપાસ કરી રહી છે. તપાસ એજન્સીએ જણાવ્યું છે કે આ મામલે કોન્ટ્રાક્ટરો અને સરપંચોની ભૂમિકા પણ સામે આવી છે.
આ કેસમાં CID ક્રાઈમે અગાઉ પણ ઘણા આરોપીઓ સામે કાર્યવાહી કરી છે. મોહસીન મન્સુરીની ધરપકડ સાથે અત્યાર સુધીમાં કુલ 58 આરોપીઓને પકડવામાં આવ્યા છે.નલ સે જલ કૌભાંડમાં CID ક્રાઈમની તપાસ હજુ ચાલુ છે. આગામી દિવસોમાં આ મામલે વધુ ખુલાસા અને ધરપકડ થવાની શક્યતા છે.