કર્ણાટકમાં મંત્રીમંડળ વિસ્તરણની અફવાઓ, ‘દિલ્હી દરબાર’ પર નજર

કર્ણાટક મંત્રીમંડળ ફેરબદલઃ કર્ણાટકની સિદ્ધારમૈયા સરકારમાં નવા ચહેરાઓનો સમાવેશ કરવાની માંગણીઓ હવે વેગ પકડી રહી છે. રાજ્યના ગૃહમંત્રી જી. પરમેશ્વરાએ જણાવ્યું હતું કે મંત્રીમંડળમાં ફેરફાર અંગેનો અંતિમ નિર્ણય સંપૂર્ણપણે કોંગ્રેસ હાઇકમાન્ડ અને મુખ્યમંત્રી સિદ્ધારમૈયાના વિવેકબુદ્ધિ પર નિર્ભર છે. જાકે, પડદા પાછળનું રાજકારણ હવે શેરીઓ અને સભાઓમાં છવાઈ ગયું છે.

તાજેતરના દિવસોમાં અસંતુષ્ટ અને અનુભવી ધારાસભ્યોનો એક મોટો સમૂહ સક્રિય થયો છે. આશરે ૪૦ ધારાસભ્યો ત્રણ કે તેથી વધુ વખત ચૂંટણી જીતી ચૂકવ્યા છે. આ બધા ધારાસભ્યો મંગળવારે મુખ્યમંત્રીને મળ્યા અને પોતાની ઉમેદવારી રજૂ કરી. ધારાસભ્યોનો દાવો છે કે તેમણે પક્ષને લાંબો સમય સમર્પિત કર્યો છે અને હવે વહીવટમાં તેમની ક્ષમતાઓ દર્શાવવાની તક મળવાને પાત્ર છે. ગૃહમંત્રી પરમેશ્વરે કહ્યું, “રાજકારણમાં પદની ઇચ્છા રાખવી સ્વાભાવિક છે. જા ધારાસભ્યો મંત્રી પદની માંગ કરી રહ્યા હોય, તો તેમાં કંઈ ખોટું નથી. પરંતુ અંતિમ નિર્ણય હાઇકમાન્ડ દ્વારા લેવામાં આવશે.”

સૂત્રો અનુસાર, બધા ધારાસભ્યોએ એક મોટી રણનીતિ ઘડી છે. ૯ એપ્રિલે પેટાચૂંટણી પછી તરત જ આખું જૂથ દિલ્હી જશે. ત્યાં, આ નેતાઓ કોંગ્રેસના રાષ્ટ્રીય નેતૃત્વ સાથે મુલાકાત કરશે અને ઓછામાં ઓછા ૨૦ નવા મંત્રીઓના સમાવેશ માટે દબાણ કરશે. હાલમાં, કર્ણાટક મંત્રીમંડળમાં બે પદ ખાલી છે. એક બી. નાગેન્દ્રના રાજીનામાથી અને બીજું કે.એન. રાજન્નાને દૂર કરવાથી ખાલી થયું હતું.

બાગલકોટ અને દાવણગેરે દક્ષિણ વિધાનસભા મતવિસ્તારમાં આગામી પેટાચૂંટણીઓને લઈને પણ તીવ્ર ઉત્તેજના છે. દાવણગેરે દક્ષિણમાં લઘુમતી સમુદાય ટિકિટની માંગ કરી રહ્યો છે, ત્યારે બાગલકોટમાં સ્વર્ગસ્થ ધારાસભ્ય મેતીના પરિવારને પ્રાથમિકતા આપવાની ચર્ચા થઈ રહી છે. પરમેશ્વરે સ્પષ્ટતા કરી કે ટિકિટ ફાળવણી માટે “વિજેતા ઉમેદવાર” પ્રાથમિક માપદંડ હશે. મહાસચિવ રણદીપ સિંહ સુરજેવાલાની બેંગલુરુની વર્તમાન મુલાકાતને પણ આ ઉથલપાથલ સાથે જાડવામાં આવી રહી છે.