દાંતામાં જૂની અદાવતમાં ખેલાયો ખૂની ખેલ, પિતાનું થયું મોત અને બે દીકરાઓને ગંભીર ઇજા

દાંતા તાલુકાના ધરેડા ગામે જૂની અદાવતને કારણે યોજાયેલા ખૂની ખેલમાં એક વ્યકિત નું મોત અને બે લોકોને ગંભીર ઈજાઓ પહોંચી છે. દોઢ વર્ષ પહેલા આરોપીના ભાઈના મોતના પ્રકરણમાં આક્ષેપો સામેના પક્ષે નિર્દોષ છૂટ્યા હતા, જેને કારણે આરોપીઓએ ફરીથી આ હુમલો કર્યો. રાત્રિ સમયે છ વ્યકિતઓએ સામેવાળાના ઘરે જઈને ધાંધલ મચાવી, મારામારી કરી અને છરીના ઘા ઝીક્યા .

આ ઘટનામાં પિતા ભીમાભાઈએ ઘટનાસ્થળે જ જીવ ગુમાવ્યો અને તેમના બે દીકરાઓને ગંભીર ઈજાઓ પહોંચી, જેને કારણે તેમને તાત્કાલિક સામૂહિક આરોગ્ય કેન્દ્રમાં દાખલ કરવામાં આવ્યા. આ ઘટના અંગે દાંતા પોલીસ સ્ટેશનમાં ફરિયાદ નોંધાઈ છે, અને ઙ્ઘઅજp ની રાહબારી હેઠળ ઙ્મષ્ઠહ્વ અને ર્જખ્ત પોલીસ તપાસ કરી રહી છે. બે આરોપીઓને ધરપકડ કરીને જેલ ભેગા કરવામાં આવ્યા છે, જ્યારે ચાર આરોપીઓ હજી ફરાર છે.

ભોગ બનનારા પરિવારના સભ્યોએ જણાવ્યું કે, દોઢ વર્ષ પહેલા થયેલા ભાઈના મોતના પ્રકરણમાં તેઓ નિર્દોષ છે, છતાં આરોપીઓએ અદાવત રાખી આ ખૂની ખેલ ખેલ્યો છે. આ હુમલો કુટુંબની જૂની અદાવતને કારણે થયો છે, અને પરિવાર હાલ આ ઘટનાથી ખૂબ જ આઘાતગ્રસ્ત છે.

દાંતા ડિવિઝનના ઙ્ઘઅજp વી બી બારડે જણાવ્યું કે, સમગ્ર ઘટનાની મોનિટરિંગ કરવામાં આવી રહી છે અને ઝડપાયેલા આરોપીઓ વિરુદ્ધ કાયદેસરની કાર્યવાહી હાથ ધરવામાં આવી રહી છે. દાંતા પીઆઇ આ મામલે આગળની વધુ તપાસ કરી રહ્યા છે અને બાકીના આરોપીઓને ઝડપવા માટે સઘન શોધખોળ ચાલી રહી છે.