ઓમર અબ્દુલ્લાએ યુસીસી પર ભાજપને સીધો પડકાર ફેંક્યો,જો તમારી પાસે સંખ્યાબળ હોય, તો સંસદમાં બિલ લાવો

જમ્મુ અને કાશ્મીરના મુખ્યમંત્રી ઓમર અબ્દુલ્લાએ મંગળવારે સમાન નાગરિક સંહિતા (યુસીસી) પર ભાજપ પર નિશાન સાધ્યું. તેમણે કહ્યું કે જા ભાજપ પાસે સંસદમાં તેને પસાર કરવા માટે પૂરતી સંખ્યાબળ હોય, તો તેમણે બિલ સંસદમાં લાવવું જાઈએ, તેને વ્યક્તિગત રાજ્યો દ્વારા લાગુ કરવાનો પ્રયાસ ન કરવો જોઈએ.

ઓમર અબ્દુલ્લાએ કહ્યું કે યુસીસી જેવો કાયદો આખા દેશમાં લાગુ થવો જાઈએ અને વ્યક્તિગત રાજ્યોમાં લાગુ થવાને બદલે સંસદ દ્વારા નક્કી થવો જોઈએ. તેમણે કહ્યું કે ભાજપે પાછળના બારણેથી તેનો અમલ કરવાનો પ્રયાસ ન કરવો જાઈએ.

ભાઈચારો અને શ્રદ્ધા આતંકવાદ કરતાં વધુ મહત્વ ધરાવે છેઃ ‘ધમકી કોઈને ઘર છોડવા માટે મજબૂર કરી શકતી નથી,’ કાશ્મીરી પંડિતો કહે છે વાતાવરણ સંપૂર્ણપણે બદલાઈ ગયું છે.

૮૦ના દાયકાના વલણોએ કાશ્મીરના ભૂતકાળને ઉજાગર કર્યો છેઃ તે યુગની છબીઓ હવે યાદો તરીકે પાછી ફરી રહી છે, ખીણમાં આતંકની શરૂઆત જોવા મળી હતી.

મુખ્યમંત્રીએ કહ્યું કે ભાજપના પોતાના એનડીએ ગઠબંધનમાં તમામ પક્ષો યુસીસીના પક્ષમાં નથી. બિહારનું ઉદાહરણ આપતા તેમણે કહ્યું કે અહેવાલો અનુસાર, જનતા દળ (યુનાઇટેડ) એ પણ ત્યાં યુસીસીના અમલીકરણ સાથે અસંમતિ વ્યક્ત કરી છે.જો ફક્ત ભાજપ શાસિત રાજ્યોમાં જ લાગુ કરવામાં આવે તો તે સાર્વત્રિક રહેશે નહીં.

ઓમરે કહ્યું કે દેશના તમામ રાજ્યોમાં ભાજપની સરકારો નથી. તેથી, જો યુસીસી ફક્ત ભાજપ શાસિત રાજ્યોમાં જ લાગુ કરવામાં આવે તો તેને એક સમાન કે સાર્વત્રિક કાયદો કહી શકાય નહીં. તેમણે કહ્યું કે આવા મુદ્દાઓ પર નિર્ણયો રાષ્ટ્રીય સ્તરે લેવા જોઈએ, અને સમગ્ર રાષ્ટ્રનું પ્રતિનિધિત્વ સંસદ દ્વારા કરવામાં આવે છે.

મુખ્યમંત્રીએ આરોપ લગાવ્યો કે ભાજપ લાંબા સમયથી જે મહત્વપૂર્ણ કાયદાઓની ચર્ચા કરી રહ્યું છે તેમાંથી કેટલાક સંસદમાં રજૂ કરવામાં આવ્યા ન હતા. એક રાષ્ટ્ર, એક ચૂંટણી અને અનામતનો ઉલ્લેખ કરતા તેમણે કહ્યું કે હવે રાજ્યો દ્વારા યુસીસી લાગુ કરવાની વાત થઈ રહી છે.

ઓમર અબ્દુલ્લાએ ભારત-ચીન સરહદ પર એલએસી પર તણાવ ઓછો થવાનું સ્વાગત કર્યું. તેમણે કહ્યું કે એલએસી પર તણાવ ઓછો થવો એ એક સ્વાગતપાત્ર પગલું છે. તેમણે કહ્યું કે એલઓસી અથવા એલએસી પર તણાવ ઓછો થવો એ આ વિસ્તારોની નજીક રહેતા લોકો માટે રાહત છે. તેમણે આશા વ્યક્ત કરી કે સમય સાથે એલએસી પર પરિસ્થિતિમાં પણ સુધારો થશે.

ચીન દ્વારા ભારતની વિદેશ નીતિની પ્રશંસા અંગે ઓમરે કહ્યું કે ભારતની વિદેશ નીતિ હંમેશા સ્વતંત્ર રહી છે અને દેશને અન્ય દેશો પાસેથી પ્રમાણપત્ર લેવાની જરૂર નથી. તેમણે કહ્યું કે જો ભવિષ્યમાં કોઈ દેશ ભારતની વિદેશ નીતિની ટીકા કરે છે, તો તે જ વલણ અપનાવવું જાઈએ.

ઓમર અબ્દુલ્લાએ બ્રિક્સ સમિટમાં પહેલગામ આતંકવાદી હુમલાની નિંદાને ભારતની વિદેશ નીતિની સફળતા ગણાવી. તેમણે કહ્યું કે પાકિસ્તાનના ઘણા સાથી દેશોની હાજરી છતાં, સમિટમાં પહેલગામ હુમલાની નિંદા કરવી એ એક મહત્વપૂર્ણ સિદ્ધિ હતી.