ઇઝરાયલી ઓનલાઈન ન્યૂઝ પોર્ટલ માકો અનુસાર, દુબઈથી તેલ અવીવ જતી ફ્લાયદુબઈ ફ્લાઇટના કેપ્ટન પર હુમલો કરનાર અને વિમાનને ક્રેશ કરવાનો પ્રયાસ કરનાર ઓમાની કો-પાયલટે તપાસકર્તાઓને જણાવ્યું કે તેણે ગાઝાનો બદલો લેવા માટે હુમલો કર્યો હતો. પૂછપરછ દરમિયાન, હમામ અલ-હમામીએ અમીરાતના તપાસકર્તાઓને જણાવ્યું હતું કે, “મેં ગાઝાનો બદલો લેવા માટે આ કર્યું હતું. હું શહીદ તરીકે મરવા માંગતો હતો.”
અહેવાલો અનુસાર, ઓમાનના પાઇલટ હમામ અલ-હમામીએ તપાસકર્તાઓને જણાવ્યું હતું કે તેણે ગાઝાનો બદલો લેવા અને શહીદ બનવા માટે હિંસક હુમલો કર્યો હતો. અધિકારીઓ હવે તેના ફોન, વિદેશ યાત્રાઓ અને સંપર્કોની તપાસ કરી રહ્યા છે કે તેણે એકલા આ હુમલો કર્યો કે નહીં.હમામ અલ-હમામીની કથિત કબૂલાત એવા અહેવાલો વચ્ચે આવી છે કે ગયા વર્ષે અલ-હમામીને તેના ઉગ્રવાદી વિચારોને કારણે ઓમાનની રાષ્ટÙીય એરલાઇનમાંથી દૂર કરવામાં આવ્યો હતો. સીએનએનના અહેવાલ મુજબ, ઇઝરાયેલી વિમાનના કોકપીટ વીડિયો અને અલ-કાયદાના વ્યક્તિઓના વીડિયો પાછળથી તેના નામ પર આધારિત સોશિયલ મીડિયા એકાઉન્ટ્સ પર પોસ્ટ કરવામાં આવ્યા હતા. ઇઝરાયેલી વડા પ્રધાન બેન્જામિન નેતન્યાહૂએ અગાઉ જણાવ્યું હતું કે સહ-પાયલટ “ઇસ્લામિક ઉગ્રવાદી વિચારધારા”થી પ્રભાવિત હોવાનું માનવામાં આવે છે.૩૦ સપ્ટેમ્બરના રોજ, ફ્લાયદુબઈ ફ્લાઇટ ૧૦૭૩ ૧૭૦ થી વધુ મુસાફરોને લઈ જઈ રહી હતી, જેમાં મોટાભાગના ઇઝરાયેલી હતા. ફ્લાઇટ લેન્ડ થાય તેના એક કલાક કરતા પણ ઓછા સમય પહેલા, અલ-હમ્મામીએ કેપ્ટન સ્મિથ માછર પર હુમલો કર્યો. ફ્લાઇટ-ટ્રેકિંગ ડેટા દર્શાવે છે કે વિમાન થોડી જ સેકન્ડોમાં ૧૭,૦૦૦ ફૂટથી વધુ નીચે પડી ગયું.
ફ્લાઇટના કેપ્ટન, માછર, પાઇલટના હુમલાને રોકી શક્યા અને કોકપીટનો દરવાજા ખોલવામાં સફળ રહ્યા, જેનાથી મુસાફરો શું થઈ રહ્યું છે તે જાઈ શક્યા અને દરમિયાનગીરી કરી શક્યા. મુસાફરોએ અલ-હમ્મામીને કાબુમાં લેવામાં મદદ કરી, જ્યારે ફરજ પર ન હોય તેવા પાઇલટ્સે ફ્લાઇટનો નિયંત્રણ લઈ લીધો, જેનાથી એક વિનાશક અકસ્માત ટાળી શકાયો. ઇઝરાયેલી મીડિયાએ પણ અહેવાલ આપ્યો હતો કે અલ-હમ્મામીએ જુલાઈમાં હુમલો કરવાનું વિચાર્યું હતું, પરંતુ છેલ્લી ઘડીએ તેની યોજના છોડી દીધી કારણ કે તે ક્રૂ મેમ્બરનો મિત્ર હતો.