આંતરરાષ્ટ્રીય ક્રિકેટ કાઉન્સીલએ સત્તાવાર રીતે ૨૦૨૭ વર્લ્ડ ટેસ્ટ ચેમ્પીયનશિપ ફાઇનલ માટે સ્થળની જાહેરાત કરી છે. ક્રિકેટની સૌથી પ્રતિષ્ઠિત ટેસ્ટ મેચ ૯ થી ૧૩ જૂન, ૨૦૨૭ દરમિયાન લંડનના ઐતિહાસિક ધ ઓવલ ખાતે યોજાશે. આ બીજી વખત હશે જ્યારે ઓવલ ડબ્લ્યુટીસી ફાઇનલનું આયોજન કરશે.
ડબ્લ્યુટીસી ફાઇનલ અગાઉ ૨૦૨૩ માં આ જ મેદાન પર રમાઈ હતી, જેમાં ઓસ્ટ્રેલિયાએ ભારતને હરાવીને ટાઇટલ જીત્યું હતું. ડબ્લ્યુટીસીની પહેલી ફાઇનલ ૨૦૨૧ માં સાઉથમ્પ્ટનમાં રમાઈ હતી, જ્યાં ન્યુઝીલેન્ડે ભારતને હરાવ્યું હતું. ૨૦૨૫ ની ફાઇનલ લોર્ડ્સ ખાતે યોજાઈ હતી, જેમાં દક્ષિણ આફ્રિકાએ ઓસ્ટ્રેલિયાને હરાવીને પ્રથમ વખત ઉ્ઝ્ર ટ્રોફી જીતી હતી.
આઇસીસીની ૨૦૨૫ ની વાર્ષિક બેઠકમાં, ઇંગ્લેન્ડ અને વેલ્સ ક્રિકેટ બોર્ડને આગામી ત્રણ વર્લ્ડ ટેસ્ટ ચેમ્પીયનશિપ ફાઇનલ માટે હોસ્ટિંગ અધિકારો આપવામાં આવ્યા હતા. આ ક્રમમાં, ૨૦૨૭ ની ફાઇનલ માટે ઓવલની પસંદગી કરવામાં આવી છે. આ મેચ ડબ્લ્યુટીસીના ચોથા ચક્રને પણ સમાપ્ત કરશે.
૨૦૨૭ ઉ્ઝ્ર ફાઇનલ ખાસ રહેશે કારણ કે તે ટેસ્ટ ક્રિકેટની ૧૫૦મી વર્ષગાંઠ નિમિત્તે છે. તેથી, ક્રિકેટ ઇતિહાસના સૌથી પ્રતિષ્ઠિત મેદાનોમાંના એક, ઓવલ ખાતેની આ મેચ વધુ યાદગાર બનવાની અપેક્ષા છે.
ઇસીબીના મેનેજિંગ ડિરેક્ટર (સ્પર્ધાઓ અને મુખ્ય ઘટનાઓ) નીલ સ્નોબોલે જણાવ્યું હતું કે, “ઇંગ્લેન્ડ અને વેલ્સમાં આગામી ત્રણ ઉ્ઝ્ર ફાઇનલનું આયોજન કરવું અમારા માટે સન્માનની વાત છે. ઓવલ ખાતે ૨૦૨૩ની ફાઇનલ દર્શકો અને પ્રસારણકર્તાઓ બંને માટે એક શાનદાર અનુભવ હતો. અમને વિશ્વાસ છે કે ૨૦૨૭ની ફાઇનલ પણ ખૂબ જ ખાસ રહેશે.”
આઇસીસીના જનરલ મેનેજર (ઇવેન્ટ્સ અને ઓપરેશન્સ) ગૌરવ સક્સેનાએ જણાવ્યું હતું કે, “વર્લ્ડ ટેસ્ટ ચેમ્પીયનશિપ ફાઇનલ હવે વૈશ્વીક ક્રિકેટ કેલેન્ડર પરની સૌથી પ્રતિષ્ઠિત ઇવેન્ટ્સમાંની એક બની ગઈ છે. ઓવલની પસંદગી આઇસીસી અને ઈસીબી વચ્ચેના મજબૂત સહયોગનો પુરાવો છે.” ટેસ્ટ ક્રિકેટની ૧૫૦મી વર્ષગાંઠ નિમિત્તે અહીં ફાઇનલનું આયોજન તેને વધુ ઐતિહાસિક બનાવશે.
હાલમાં, ઓસ્ટ્રેલિયા વર્તમાન ડબ્લ્યુટીસી ચક્રમાં ૮૭.૫૦ ટકા પોઈન્ટ સાથે પ્રથમ ક્રમે છે. ડિફેન્ડીંગ ચેમ્પીયન દક્ષિણ આફ્રિકા ૭૫ ટકા પોઈન્ટ સાથે બીજા સ્થાને છે. ન્યુઝીલેન્ડ ત્રીજા સ્થાને, બાંગ્લાદેશ ચોથા સ્થાને અને ભારત પાંચમા સ્થાને છે. શ્રીલંકા, ઇંગ્લેન્ડ, વેસ્ટ ઈન્ડીઝ અને પાકિસ્તાન અનુક્રમે છઠ્ઠા અને નવમા સ્થાને છે.