ગુજરાતના વલસાડમાં ભાજપ મહિલાના પતિ પર ભ્રષ્ટાચારના આક્ષેપથી સમગ વલસાડ રાજકારણમાં ચકચાર મચી ગઈ છે. ભાજપ મહિલા સભ્યના પતિ પર કેબિન અને પાણીનું કનેક્શન કાયદેસર કરાવવા લીધી લાંચ લીધી હોવાનો આરોપ છે. રૂપિયા ૨૨ હજાર લાંચ લીધી હોવાનો આક્ષેપ લગાવી ફરિયાદીએ અરજી નોંધાવી છે.
ફરિયાદીનો આરોપ છે કે ૨૨ હજાર લાંચ લીધી હોવા છતાં કોઈ પણ પ્રકારનું કામ કરાવ્યું નથી અને પૈસા પણ પરત ના આપ્યા . પૈસા પરતના મળતા ફરિયાદી દ્વારા ફરિયાદ કરવામાં આવી છે. એસીબીમાં ફરિયાદ કરતાં મહિલા સભ્ય અને તેને પતિનું નામ પણ સામે આવ્યું છે. વોર્ડ નંબર ૧૧ના સભ્ય પ્રવિણા પટેલના પતિ સુનિલ પટેલ સામે આક્ષેપો કર્યા હોવાનું સામે આવ્યું.
સમગ્ર મામલો સામે આવતા વલસાડ નગરપાલિકામાં ખળભળાટ મચી ગયો છે. આ મામલે ફરિયાદી અને આરોપી એટલે કે મહિલા સભ્યના પતિ સુનિલ પટેલનો ઓડિયો ક્લિપ પણ વાઇરલ થયો છે. જે ઓડિયોમાં ફરિયાદી બોલી રહ્યા છે કે તમે (સુનિલ પટેલ) પૈસા લીધા હોવા છતાં કામ કર્યું નથી . અને સુનિલ પટેલ પણ સામે જવાબ આપી રહ્યા છે . જો કે મંતવ્ય ન્યૂઝ આ વાયરલ ઓડિયો ક્લિપની પુષ્ટિ કરતુ નથી.