છેલ્લા એક અઠવાડિયાના વિરામ બાદ છોટાઉદેપુર જીલ્લાના કવાંટ તાલુકામાં ફરી વરસાદી માહોલ જામ્યો છે. વહેલી સવારથી તાલુકાના અનેક વિસ્તારોમાં ધીમીધારે વરસાદ શરૂ થયો છે.
વાદળછાયા વાતાવરણ વચ્ચે શરૂ થયેલા આ વરસાદને કારણે ઉકળાટભર્યા વાતાવરણમાંથી નગરજનોને ઠંડક અને રાહત મળી છે.
વરસાદના આગમનથી કવાંટ તાલુકાના ખેડૂતોમાં ખુશીનો માહોલ જોવા મળી રહ્યો છે. ખેતરોમાં વાવેલા પાકને આ વરસાદથી નવું જીવનદાન મળ્યું છે, જે ખેડૂતો માટે આશાનું કિરણ બન્યું છે.