જૂનાગઢના વંથલીમાં પ્રેમ પ્રકરણને લઈ હિંસક હુમલો, એક યુવકનું કરૂણ મોત, એક ગંભીર રીતે ઘાયલ

જૂનાગઢ જિલ્લામાં ફરી એક હિંસક ઘટના સામે આવી છે. વંથલી તાલુકાના સ્ટેશન ઝાંપા વિસ્તારમાં મોડી રાત્રે પ્રેમ પ્રકરણને લઈને થયેલા વિવાદમાં એક યુવકનું કરૂણ મોત નીપજ્યું છે, જ્યારે બીજા એક યુવાનને ગંભીર ઇજાઓ થઈ છે.

સ્થાનિક સૂત્રો અને પોલીસ પ્રાથમિક તપાસ મુજબ, આ હુમલો પ્રેમ સંબંધને કારણે થયો હોવાનું જણાઈ રહૃાું છે. મૃતક તાજીમ મુસાભાઈ (ઉંમર ૨૫ વર્ષ) પર ચાર હુમલાખોરોએ તીક્ષ્ણ હથિયારો (ધારદૃાર હથિયારો) વડે આડેધડ હુમલો કર્યો હતો. આ હુમલામાં તેઓ ઘટનાસ્થળે જ ઘાયલ થઈને મોતને ભેટ્યા હતા.

સાથે જ બીજા યુવાન શકીલ રજાક જેઠવા પણ આ હુમલામાં ગંભીર રીતે ઘાયલ થયો હતો. તેમને તાત્કાલિક નજીકની હોસ્પિટલમાં ખસેડવામાં આવ્યા છે, જ્યાં ડોક્ટરોની ટીમ દ્વારા તેમની સારવાર ચાલુ છે. માહિતીઅનુસાર, તેમની હાલત હાલમાં સ્થિર જણાઈ રહી છે, પરંતુ તેઓ હજુ જોખમમાં છે.

હુમલાખોરોએ રાત્રિના સમયે અચાનક હુમલો કરતાં આખા વિસ્તારમાં ભય અને આતંકનો માહોલ સર્જાયો હતો. સ્થાનિક લોકોમાં ભારે રોષ અને ભયનો માહોલ છે. આ ઘટના બાદ વંથલી પોલીસનો કાફલો તાત્કાલિક ઘટનાસ્થળે પહોંચી ગયો હતો અને તપાસ શ‚ કરી દૃીધી છે.