સુપ્રીમ કોર્ટે તિરુપ્પરંકુન્દ્રમ ટેકરી પર કાર્તિગાઈ દીપમ પ્રગટાવવાની મંજૂરી આપી

સુપ્રીમ કોર્ટે ૨૪ નવેમ્બરના રોજ તમિલનાડુના મદુરાઈમાં તિરુપ્પરંકુન્દ્રમ ટેકરી પર કાર્તિગાઈ દીપમ પ્રગટાવવાની મંજૂરી આપી છે. ન્યાયાધીશ અરવિંદ કુમાર અને વિપુલ એમ. પંચોલીની બેન્ચે મદ્રાસ હાઈકોર્ટના નિર્ણયના અમુક ભાગો પર સ્ટે આપ્યો હતો, જેમાં તિરુપ્પરંકુન્દ્રમ ટેકરી પર દીપથુન ખાતે કાર્તિગાઈ દીપ પ્રગટાવવાની પ્રથાને પુનઃસ્થાપિત કરવાના આદેશને સમર્થન આપવામાં આવ્યું હતું.

આદેશ અનુસાર, મદુરાઈ કલેક્ટર, મંદિરના કાર્યકારી અધિકારી, છજીં અને પોલીસ કમિશનર સાથે પરામર્શ કરીને, દીવા પ્રગટાવવાની ટીમનું કદ અને સભ્યો નક્કી કરશે અને વ્યવસ્થાનું નિરીક્ષણ કરશે.

પરિવારો તેમના ઘરોને સાફ કરે છે અને પ્રવેશદ્વાર પર ચોખાના લોટથી પરંપરાગત કોલમ (રંગોળી) દોરે છે. તેઓ બારીઓ, દરવાજા, બાલ્કનીઓ અને પ્રાર્થના રૂમની આસપાસ માટીના દીવાઓની હરોળ પ્રગટાવે છે, જેનાથી આખા ઘરને એક તેજસ્વી પવિત્ર જગ્યામાં રૂપાંતરિત કરવામાં આવે છે. ઘણા લોકો “માવિલક્કુ” (ચોખાના લોટ, ગોળ અને એલચીનું મિશ્રણ) જેવી મીઠાઈઓ પણ પ્રસાદ તરીકે બનાવે છે, જેમાં એક નાનો દીવો મૂકવામાં આવે છે. પરિવારો પ્રાર્થના કરવા, ભÂક્ત ગીતો ગાવા અને ભોજન વહેંચવા માટે ભેગા થાય છે. આ એકતા, કૃતજ્ઞતા અને ભગવાનના સ્મરણનો સમય છે.

ભગવાન મુરુગનના છ પવિત્ર સ્થળોમાંથી એક, તિરુપ્પરંકુન્દ્રમ ટેકરી પર એક પ્રાચીન ખડક-કોટ મંદિર સ્થિત છે, અને તે એક મુખ્ય તીર્થસ્થાન છે. આ ટેકરી પર એક દરગાહ પણ આવેલી છે. મંદિર અને દરગાહ વચ્ચે તણાવ ૧૯૨૦ થી શરૂ થયો હતો, જ્યારે ટેકરીની માલિકી અંગે પ્રથમ વિવાદ થયો હતો. પ્રિવી કાઉન્સિલ દ્વારા માન્ય રાખવામાં આવેલા સિવિલ કોર્ટના નિર્ણયમાં પુષ્ટિ આપવામાં આવી હતી કે ટેકરી સુબ્રમણ્યમ સ્વામી મંદિરની છે, સિવાય કે દરગાહના અમુક વિસ્તારો. જાકે, આ નિર્ણયમાં ધાર્મિક વિધિઓ કે દીપમ પરંપરાનો ઉલ્લેખ નહોતો.

૧૯૯૪માં દીપમ પ્રગટાવવાનો મુદ્દો વિવાદનો વિષય બન્યો જ્યારે એક ભક્તે હાઈકોર્ટને મંદિરની નજીકના ઉચિપ્પીલ્લૈયાર કોવિલ મંડપમ નજીકના પરંપરાગત સ્થળથી ટેકરીની ટોચ પર દરગાહની નજીકના દીપથૂન સ્થળે દીપમ પ્રગટાવવાની વિનંતી કરી. ૧૯૯૬માં, હાઈકોર્ટે ચુકાદો આપ્યો હતો કે દીપમ સામાન્ય રીતે મંડપમ નજીકના પરંપરાગત સ્થળે પ્રગટાવવો જાઈએ; આ નિર્દેશ આ ધાર્મિક વિધિ માટે માન્ય સ્થળને વ્યાખ્યાયિત કરતો એકમાત્ર ન્યાયિક આદેશ છે.