પંચમહાલ જીલ્લાના હાલોલ તાલુકાના ટાઢોડિયા ગામના નાયક ફળિયામાં શોર્ટ સર્કિટના કારણે એક મકાનમાં આગ લાગી હતી. આ આગે ઝડપથી વિકરાળ સ્વપ ધારણ કરીને નજીકના અન્ય બે મકાનોને પણ પોતાની ઝપેટમાં લીધા હતા. ઘટનાની જાણ થતાં જ ગ્રામજનો ઘટનાસ્થળે દોડી આવ્યા હતા.
પ્રાથમિક માહિતી મુજબ, નાયક ફળિયામાં રહેતા શીવાભાઈ નાનાભાઈ બારીઆ અને લક્ષ્મણભાઈ નાનાભાઈ બારીઆના મકાનોમાં આગ લાગી હતી. આ આગ એટલી ઝડપથી ફેલાઈ કે કુલ ત્રણ મકાનો તેની ઝપેટમાં આવી ગયા. આગને કારણે ઘરોમાં રાખેલો ઘરવખરીનો સામાન, કિંમતી ચીજવસ્તુઓ અને રોકડ રકમ બળીને ખાખ થઈ ગઈ હતી.
આ ઘટનાની જાણ તાત્કાલિક હાલોલ ફાયર બ્રિગેડને કરવામાં આવી હતી. ફાયર ફાઈટરોની ટીમ ઘટનાસ્થળે પહોંચી હતી અને પાણીનો સતત મારો ચલાવી આગને કાબૂમાં લેવાના પ્રયાસો શ કર્યા હતા. કલાકોની જહેમત બાદ આગ પર સંપૂર્ણ કાબૂ મેળવી શકાયો હતો. આગની આ ઘટનામાં કોઈ જાનહાનિ થઈ ન હોવાથી ગ્રામજનોએ રાહત અનુભવી હતી. જોકે, આગના કારણે અસરગ્રસ્ત પરિવારોને ભારે આર્થિક નુકસાન થયું છે.