પંચમહાલ જીલ્લાના ગોધરા શહેરમાં શારદીય નવરાત્રી મહોત્સવની ભક્તિભાવપૂર્વક ઉજવણી કરવામાં આવી રહી છે. નવરાત્રીના સાતમા નોરતે ગોધરા સ્થિત પોલીસ પરેડ ગ્રાઉન્ડ ખાતે બાલિકા પૂજન કાર્યક્રમનું આયોજન કરવામાં આવ્યું હતું. આ પ્રસંગે પંચમહાલ જીલ્લા પોલીસ અધિક્ષક ડો.હરેશ દુધાત ઉપસ્થિત રહ્યા હતા અને તેમના હસ્તે બાલિકાઓનું પૂજન કરવામાં આવ્યું હતું. આ કાર્યક્રમમાં બાલિકાઓને માતાજીના શક્તિ સ્વરૂપ તરીકે વંદન કરીને ભારતીય સંસ્કૃતિ અને પરંપરા પ્રત્યેની આસ્થાને ઉજાગર કરવામાં આવી હતી.
નવરાત્રીમાં બાલિકા પૂજનનું વિશેષ મહત્ત્વ નવરાત્રી એ માતાજીની આરાધના અને શક્તિની ઉપાસનાનો પર્વ છે. આ પર્વ દરમિયાન બાલિકાઓમાં માતાજીનું સ્વરૂપ નિહાળીને તેમનું પૂજન કરવાની પરંપરા ભારતીય સંસ્કૃતિમાં વિશેષ મહત્ત્વ ધરાવે છે. ગોધરા પોલીસ પરેડ ગ્રાઉન્ડ ખાતે યોજાયેલા આ કાર્યક્રમ દ્વારા ધાર્મિક આસ્થા, સંસ્કાર અને સંસ્કૃતિનાં મૂલ્યોને પ્રાધાન્ય આપવામાં આવ્યું હતું.
ભક્તિભાવ સાથે માતૃશક્તિને વંદન પંચમહાલ પોલીસ દ્વારા નવરાત્રીના સાતમા નોરતે યોજાયેલા આ બાલિકા પૂજન કાર્યક્રમમાં બાલિકાઓને શક્તિ સ્વપ માની તેમનું પૂજન કરવામાં આવ્યું હતું. જઙ ડો.હરેશ દુધાતની ઉપસ્થિતિમાં યોજાયેલા આ કાર્યક્રમ દ્વારા માતૃશક્તિ પ્રત્યે આદર અને સન્માનની ભાવના વ્યક્ત કરવામાં આવી હતી. નવરાત્રીના પાવન પર્વ નિમિત્તે યોજાયેલા આ ધાર્મિક કાર્યક્રમમાં ભારતીય પરંપરાનું મહત્ત્વ ઉજાગર થયું હતું.