ઝારખંડ હાઈકોર્ટે એસસી એસટી એક્ટ હેઠળ એન્ફોર્સમેન્ટ ડિરેક્ટોરેટના અધિકારીઓ સામે કેસ દાખલ કરવાના વિવાદ સંબંધિત કેસની સુનાવણી કરી. સુનાવણી દરમિયાન, કોર્ટે જવાબ દાખલ કરવામાં વિલંબ અને માંગવામાં આવેલા સમય પર નારાજગી વ્યક્ત કરી, પ્રતિવાદી પર ૧૦,૦૦૦ રૂપિયાનો દંડ ફટકાર્યો.
કોર્ટે આ કેસમાં જવાબ દાખલ કરવાનો પણ નિર્દેશ આપ્યો અને આગામી સુનાવણી ૨ નવેમ્બરના રોજ નક્કી કરી. મુખ્યમંત્રી હેમંત સોરેને જમીન કૌભાંડ કેસમાં તત્કાલીન ઈડ્ઢ અધિકારી કપિલ રાજ અને અન્ય લોકો સામે કેસ દાખલ કર્યો હતો. ઈડ્ઢ અધિકારીએ આ સામે કોર્ટમાં અરજી દાખલ કરી છે. આ સમગ્ર કાનૂની વિવાદ ત્યારે શરૂ થયો જ્યારે ઝારખંડના મુખ્યમંત્રી હેમંત સોરેને રાંચીના પોલીસ સ્ટેશનમાં ઈડી અધિકારીઓ પર ઉત્પીડનનો આરોપ લગાવીને કેસ દાખલ કર્યો. હેમંત સોરેને આરોપ લગાવ્યો હતો કે ઈડ્ઢ અધિકારીઓએ તેમના અધિકારોનું ઉલ્લંઘન કર્યું છે અને તેમને માનસિક ત્રાસ આપ્યો છે.
આ એફઆઇઆર અને એસસી એસટી કાયદા હેઠળ કરવામાં આવેલી કાર્યવાહીને પડકારતા, ઈડ્ડી અધિકારી-ઓએ ઝારખંડ હાઇકોર્ટનો સંપર્ક કર્યો અને તેને રદ કરવાની માંગણી કરતી અરજી દાખલ કરી.તાજેતરની સુનાવણી દરમિયાન, જ્યારે હેમંત સોરેને પોતાનો જવાબ દાખલ કરવા માટે વધુ સમય માંગ્યો, ત્યારે હાઇકોર્ટે કડક વલણ અપનાવ્યું. વિલંબ પર અસંતોષ વ્યક્ત કરતા, કોર્ટે ૧૦,૦૦૦ નો દંડ ફટકાર્યો અને નિર્ધારિત સમયમાં જવાબ દાખલ કરવાનો નિર્દેશ આપ્યો. આ કેસમાં આગામી વિગતવાર સુનાવણી હવે ૨ નવેમ્બરના રોજ થશે.