દાહોદ જિલ્લાની એક આશ્રામ શાળામાં ગત ઓગસ્ટ માસમાં બાળ મજુરી કરાવવા દરમિયાન એક માસુમ બાળક ધાયલ થયો હોવાના ગંભીર આક્ષેપો થયા હતા. સપ્ટેમ્બર માસમાં આ મામલો સામે સપાટી પર આવતા જ તંત્ર હરકતમાં આવ્યુ અને સમગ્ર મામલાની ઉચ્ચ સ્તરિય તપાસનો ધમધમાટ શ કરાયો હતો. વિવાદનુ કેન્દ્ર બનેલ ધો.-૨ નો બાળક અને ધો.-૫માં ભણતો તેનો ભાઈ તેમજ ધો.-૮ માં ભણતી એક બહેન આ પ્રકરણ બાદ આશ્રમ શાળાએ ભણવા માટે જવાનુ બંધ કરી દીધુ છે.
હાલમાં પ્રાથમિક શાળાઓમાં પ્રથમ સત્રની પરીક્ષાઓ ચાલી રહી છે. ત્યારે શાળાએ ન જઈ રહેલા આ ભાઇ-બહેનને પરીક્ષાથી વંચિત ન રાખવા માટે તંત્ર દ્વારા એક અનોખો રાહ અપનાવાયો છે. પરીક્ષા શ થઈ ત્યારથી સમાજ કયાણ વિભાગમાંથી એક નિરીક્ષક અને આશ્રમ શાળાના એક શિક્ષિકા દરરોજ પ્રશ્ર્નપત્ર લઈને સીધા બાળકોના ધરે પહોંચી જાય છે. અને ત્યાં જ તેમની પરીક્ષા લેવામાં આવે છે. ધરે જઈને બાળકોની પરીક્ષા લેવાની આ પહેલા પાછળ તંત્રની માનવીય સંવેદનશીલતા કામ કરી રહી છે પછી આ ગંભીર પ્રકરણ પર પડદો પાડવા કે મામલો શાંત પાડવા માટેનો કોઈ પેંતરો છે…?તે અંગે હાલ અનેક ચર્ચાઓએ જોર પકડ્યુ છે.