ઉત્તર પ્રદેશ કેબિનેટ બેઠકમાં બાવીસ દરખાસ્તોને મંજૂરી આપવામાં આવી. બેઠકમાં માળખાગત સુવિધાઓ, શિક્ષણ, આરોગ્ય, રોકાણ, સાયબર સુરક્ષા અને ઔદ્યોગિક વિકાસ સંબંધિત અનેક મહત્વપૂર્ણ નિર્ણયો લેવામાં આવ્યા. આમાં ચાર લિંક એક્સપ્રેસવે પ્રોજેક્ટ્સ માટે ડેવલપર્સની પસંદગી, શિક્ષકો માટે કેશલેસ ટ્રીટમેન્ટ, સાયબર સિક્યુરીટી ઓપરેશન્સ સેન્ટરની સ્થાપના અને પ્રગતિ રોબોટિક્સ પાર્કની રચના જેવા પ્રસ્તાવોનો સમાવેશ થાય છે.
મંત્રીમંડળે મૈનપુરીમાં સૈનિક સ્કૂલ માટે ૯.૫૨૪ હેક્ટર જમીન મફતમાં ટ્રાન્સફર કરવાના પ્રસ્તાવને મંજૂરી આપી. માધ્યમિક અને સંસ્કૃત શાળાઓના બિન-શિક્ષણ કર્મચારીઓ અને મૂળભૂત શિક્ષણ વિભાગના બિન-શિક્ષણ કર્મચારીઓ અને તેમના આશ્રિતોને રોકડ રહિત તબીબી સંભાળ પૂરી પાડવાના પ્રસ્તાવને પણ મંજૂરી આપી.
રાજ્યમાં રોડ કનેકટીવિટીને મજબૂત બનાવવા માટે, ચાર લિંક એક્સપ્રેસવે પ્રોજેક્ટ્સ માટે ડેવલપર્સની પસંદગીને મંજૂરી આપવામાં આવી. આમાં ફારુખાબાદ લિંક એક્સપ્રેસવે, આગ્રા-લખનૌ એક્સપ્રેસવેને પૂર્વાંચલ એક્સપ્રેસવે સાથે જાડતો લિંક એક્સપ્રેસવે, ઝાંસી લિંક એક્સપ્રેસવે અને જેવર લિંક એક્સપ્રેસવેનો સમાવેશ થાય છે.કેબિનેટે ઉત્તર પ્રદેશમાં સાયબર સિક્્યુરિટી ઓપરેશન્સ સેન્ટર સ્થાપિત કરવાના પ્રસ્તાવને મંજૂરી આપી.
આ માટેનું કામ આઇઆઇટી કાનપુરના સી૨આઇહબ દ્વારા હાથ ધરવામાં આવશે. વધુમાં, રાજ્યમાં પ્રગતિ રોબોટિક્સ પાર્ક સ્થાપવાનો પ્રસ્તાવ પણ પસાર કરવામાં આવ્યો.બેઠકમાં એફડીઆઇ અને વૈશ્વક કંપનીઓ દ્વારા રોકાણ અંગે સશક્ત સમિતિના નિર્ણયોને મંજૂરી આપવામાં આવી. બેઠકમાં ઉત્તર પ્રદેશ ય્ઝ્રઝ્ર નીતિ-૨૦૨૪ હેઠળ ઉચ્ચ-સ્તરીય સમિતિની ભલામણોને મંજૂરી આપવાનો પ્રસ્તાવ પણ સામેલ હતો. વધુમાં, લખનૌ-હરદોઈમાં ૧,૦૦૦ એકરમાં વિકસાવવામાં આવનાર પીએમ મિત્ર મેગા ટેક્સટાઇલ પાર્ક માટે માસ્ટર ડેવલપરની પસંદગીને મંજૂરી આપવામાં આવી.
પ્રયાગરાજમાં હાઈકોર્ટના અધિકારીઓ માટે ૮૪૫ રહેઠાણો બનાવવાના પ્રસ્તાવને નાણાકીય મંજૂરી આપવામાં આવી. પ્રયાગરાજમાં એક ઓડિટોરિયમ અને કાર્યકારી મહિલા છાત્રાલય બનાવવાના પ્રસ્તાવને પણ મંજૂરી આપવામાં આવી.કેબિનેટે ઝાંસી અને લલિતપુરમાં વેરહાઉસ બનાવવા માટે મફત જમીન પૂરી પાડવાના પ્રસ્તાવને મંજૂરી આપી. ઉત્તર પ્રદેશ ઇનલેન્ડ વેસલ રૂલ્સ-૨૦૨૬ અને રાજ્ય પશુધન મિશનના અમલીકરણ સંબંધિત દરખાસ્તો પણ પસાર કરવામાં આવી હતી.આ ઉપરાંત, લખનૌ અને વારાણસીમાં સાત ગટર અને પીવાના પાણીના પ્રોજેક્ટ્સ માટે ખર્ચ દરખાસ્તોને મંજૂરી આપવાની તૈયારી કરવામાં આવી હતી. આ સરકારી નિર્ણયોનો હેતુ રાજ્યમાં માળખાગત સુવિધાઓ, રોકાણ, શિક્ષણ, આરોગ્ય અને ઔદ્યોગિક વિકાસને વેગ આપવાનો છે.