ગોધરા તાલુકા પોલીસે ગુમ થયેલા બે મોબાઈલ ફોન શોધી કાઢ્યા છે. આ મોબાઈલની કુલ કિંમત રૂ. 26,198 છે, જે અરજદારોને પરત સોંપવામાં આવ્યા હતા.
ગોધરા તાલુકા પોલીસ સ્ટેશન વિસ્તારમાં ગુમ થયેલા મોબાઈલ અંગે નોંધાયેલી અરજીઓના આધારે પોલીસે ટેકનિકલ માહિતીનો ઉપયોગ કરીને કાર્યવાહી હાથ ધરી હતી.
પંચમહાલ ગોધરા રેન્જના નાયબ પોલીસ મહાનિરીક્ષક વિધી ચૌધરી અને પંચમહાલ જીલ્લા પોલીસ અધિક્ષક ડો. હર્ષ દુધાતની સૂચના હેઠળ, તેમજ ગોધરા વિભાગના નાયબ પોલીસ અધિક્ષક બ્રિન્દા જાડેજાના માર્ગદર્શન હેઠળ આ કામગીરી કરવામાં આવી હતી.
પોલીસ ઇન્સ્પેક્ટર એ.વાય. પટેલના માર્ગદર્શન હેઠળ, ગુમ થયેલા મોબાઈલની અરજીઓ સંચાર સાથી-CEIR પોર્ટલ પર અપલોડ કરીને ટેકનિકલ માહિતી મેળવવામાં આવી હતી. આના આધારે પોલીસે બે મોબાઈલ ફોન શોધી કાઢ્યા હતા.
શોધી કાઢવામાં આવેલા બે મોબાઈલ VIVO V250G (કિંમત રૂ. 12,998) અને Vivo F2X (કિંમત રૂ. 13,200) નો સમાવેશ થાય છે. આમ, કુલ રૂ. 26,198ની કિંમતના બે મોબાઈલ ફોન મળી આવ્યા હતા.
પોલીસે આ બંને મોબાઈલ ફોન તેમના મૂળ અરજદારોને પરત સોંપ્યા હતા. આ કામગીરીમાં પોલીસ ઇન્સ્પેક્ટર એ.વાય.પટેલ, પોલીસ સબ ઇન્સ્પેક્ટર ટી.એન.સોજીત્રા, અ.હે.કો. સુનીલભાઈ નાનુભાઈ, વુ.પો.કો. નિલમકુમારી સુરેશભાઈ, વુ.હે.કો. વીણાબેન ખુમાનસિંહ તથા આઈ.ટી. એક્સપર્ટ જીજ્ઞેશકુમાર પટેલ સહિતના પોલીસ કર્મચારીઓ જોડાયા હતા.