સોનું ₹1,562 ઘટીને ₹1.45 લાખનું 10 ગ્રામ થયું

આજે એટલે કે 11 જૂને સોનાના ભાવમાં ઘટાડો થયો છે. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 10 ગ્રામ 24 કેરેટ સોનાનો ભાવ 1,562 રૂપિયા ઘટીને 1.45 લાખ રૂપિયા થયો છે.

31 મેના રોજ સોનું 1.56 લાખ પર હતું. એટલે કે 11 દિવસમાં તે 11 હજાર રૂપિયા સસ્તું થયું છે. જ્યારે, 1 કિલો ચાંદીની કિંમત આજે 257 રૂપિયા વધીને 2.33 લાખ રૂપિયા પર પહોંચી ગઈ છે.

કેરેટ મુજબ સોનાની કિંમત

કેરેટ	ભાવ (રૂપિયા/10 ગ્રામ)
24	₹1,45,584
22	₹1,33,355
18	₹1,09,188
14	₹85,167

દેશના મોટા શહેરોમાં સોનાની કિંમત

શહેર	10 ગ્રામ 24 કેરેટ
દિલ્હી	₹1,45,790
મુંબઈ	₹1,45,640
કોલકાતા	₹1,45,640
જયપુર	₹1,45,790
ભોપાલ	₹1,45,690
પટના	₹1,45,690
લખનઉ	₹1,45,790
રાયપુર	₹1,45,640
અમદાવાદ	₹1,45,690

સોર્સ: goodreturns 11 જૂન 2026

ઓલટાઇમ હાઇથી ₹31 હજાર ઘટ્યું સોનું

આ વર્ષે સોના-ચાંદીની કિંમતમાં સતત ઉતાર-ચઢાવ જોવા મળી રહ્યો છે. 31 ડિસેમ્બર 2025ના રોજ સોનાના ભાવ 1.33 લાખ રૂપિયા હતો, જે 29 જાન્યુઆરીએ વધીને 1.76 લાખ રૂપિયા ઓલ ટાઈમ હાઈ પર પહોંચી ગયો હતો. ત્યારથી અત્યાર સુધી સોનું 31 હજાર રૂપિયા સસ્તું થઈ ગયું છે.

જ્યારે, ચાંદીની કિંમત 31 ડિસેમ્બર 2025 ના રોજ 2.30 લાખ રૂપિયા હતી, જે 29 જાન્યુઆરીએ 3.86 લાખ રૂપિયા ઓલ ટાઈમ હાઈ પર પહોંચી ગઈ હતી. ત્યારથી અત્યાર સુધીમાં 133 દિવસમાં ચાંદી 1.52 લાખ રૂપિયા સસ્તી થઈ ગઈ છે.

સોનું 133 દિવસમાં ₹31 હજાર અને ચાંદી ₹1.52 લાખ સસ્તી

તારીખ	સોનાની કિંમત	ચાંદીની કિંમત
29 જાન્યુઆરી	₹1,76,121	₹3,85,933
31 જાન્યુઆરી	₹1,65,795	₹3,39,350
28 ફેબ્રુઆરી	₹1,50,997	₹2,66,700
31 માર્ચ	₹1,46,733	₹2,30,135
30 એપ્રિલ	₹1,50,263	₹2,40,331
31 મે	₹1,56,463	₹2,63,350
11 જૂન	₹1,45,584	₹2,33,540

સોર્સ: IBJA

ઘટાડાના મુખ્ય કારણો: મેટલ છોડીને ‘કેશ’ પર ભરોસો : સામાન્ય રીતે યુદ્ધના માહોલમાં સોના-ચાંદીના ભાવ વધે છે, પરંતુ આ વખતે સ્થિતિ થોડી અલગ છે:

કેશની બચત: મિડલ ઇસ્ટ યુદ્ધને કારણે રોકાણકારો જોખમ લેવા માંગતા નથી. તેઓ પોતાનું ગોલ્ડ અને સિલ્વર વેચીને ‘કેશ’ ભેગી કરી રહ્યા છે જેથી અનિશ્ચિતતાના સમયે તેમની પાસે લિક્વિડ મની રહે.
પ્રોફિટ બુકિંગ: જાન્યુઆરીમાં કિંમતો રેકોર્ડ સ્તરે પહોંચી ગઈ હતી, તેથી મોટા રોકાણકારોએ ઊંચા ભાવે પોતાની હોલ્ડિંગ વેચવાનું શરૂ કરી દીધું, જેના કારણે બજારમાં સપ્લાય વધી ગઈ અને કિંમતો ઘટી ગઈ.