લખનૌમાં પ્રધાનમંત્રી નરેન્દ્ર મોદીના કાર્યક્રમ બાદ, શહેરમાં એક ખાસ શરમજનક દ્રશ્ય સામે આવ્યું. ગુરુવારે, પીએમ મોદીએ રાષ્ટ્રીય પ્રેરણા સ્થળનું ઉદ્ઘાટન કર્યું. પ્રેરણા સ્થળની આસપાસના માર્ગને સજાવવા માટે હજારો ફૂલો અને ફૂલોના કુંડા મૂકવામાં આવ્યા હતા. પ્રધાનમંત્રી સ્થળ છોડતાની સાથે જ કેટલાક લોકોએ ફૂલોના કુંડા ચોરી લીધા. પસાર થતા લોકોએ આ ઘટનાને પોતાના મોબાઇલ કેમેરામાં રેકોર્ડ કરી.
ફૂલના કુંડા ચોરીનો આ વીડિયો સોશિયલ મીડિયા પર ઝડપથી વાયરલ થયો. વીડિયોમાં મોટી સંખ્યામાં લોકો પ્રેરણા સ્થળ અને ગ્રીન કોરિડોરમાંથી ફૂલોના કુંડા ચોરી કરતા જોવા મળ્યા. ઘણા લોકો તેમના ટુ-વ્હીલર અને કાર પર આ કુંડા લઈ જતા જોવા મળ્યા. વધુમાં, જ્યારે એક યુવકે તેમને ચોરી કરતા અટકાવવાનો પ્રયાસ કર્યો, ત્યારે લોકો હસતા જોવા મળ્યા.
ખરેખર, પીએમ મોદી ગુરુવારે રાષ્ટ્રીય પ્રેરણા સ્થળનું ઉદ્ઘાટન કરવા લખનૌ પહોંચ્યા. આ મહત્વપૂર્ણ કાર્યક્રમ માટે લખનૌને દુલ્હનની જેમ શણગારવામાં આવ્યું હતું. શહેરને સુંદર અને સ્વચ્છ બનાવવા માટે રાષ્ટ્રીય પ્રેરણા સ્થળ અને ગ્રીન કોરિડોર પર સેંકડો ફૂલોના કુંડા લગાવવામાં આવ્યા હતા. જોકે, કેટલાક લોકોએ જાહેર મિલક્તની ચોરી કરવાનું શરૂ કર્યું. લોકો ફૂલના કુંડા લઈ ગયા અને પોતાની કારમાં ભાગી ગયા. આ બધું ખુલ્લેઆમ બન્યું. લોકો ફૂલના કુંડા ચોરી કરતી વખતે હસતા પણ હતા, જાણે કે તે સામાન્ય ઘટના હોય. આ કૃત્યથી આખા શહેરની છબી પર પ્રશ્ર્નો ઉભા થયા છે.
સોશિયલ મીડિયા પર લોકો આ ઘટનાની સખત નિંદા કરી રહ્યા છે. લોકો કહે છે કે વહીવટીતંત્ર શહેરને સુંદર બનાવવા માટે કરોડો રૂપિયા ખર્ચ કરે છે, પરંતુ કેટલાક લોકો પોતાની સંકુચિત માનસિક્તાને કારણે જાહેર મિલક્તને નુક્સાન પહોંચાડે છે.