ભાજપે આજે પશ્ચિમ બંગાળ વિધાનસભા ચૂંટણી માટે તેનો ચૂંટણી ઢંઢેરો બહાર પાડ્યો. કેન્દ્રીય ગૃહમંત્રી અમિત શાહે કોલકાતામાં એક ભવ્ય સમારોહમાં ભાજપનો ઢંઢેરો બહાર પાડ્યો. આ માટે તૈયાર કરેલા મંચ પર ભાજપે સૂત્ર લખ્યું હતુંઃ “વિશ્વાસ, પ્રકાશ, ભય નહીં, પણ વિશ્વાસનો સંકલ્પ.” ભાજપે પશ્ચિમ બંગાળ ચૂંટણી માટેના પોતાના ઢંઢેરાને ભરોસા પત્ર નામ આપ્યું છે.
અમિત શાહે આ પ્રસંગે કહ્યું કે ભાજપનો સંકલ્પ પત્ર બંગાળના લોકોને ઊંડી નિરાશામાંથી બહાર કાઢવાનો માર્ગ છે. શાહે દાવો કર્યો હતો કે આ ઢંઢેરામાં વિકસિત બંગાળ માટે સંપૂર્ણ રોડમેપ શામેલ છે. સૌથી અગત્યનું, ભાજપે બંગાળ માટે પોતાનો ખજાનો ખોલ્યો છે. મહિલાઓ માટે ૩,૦૦૦ રૂપિયા માસિક ભથ્થાની જાહેરાત કરવામાં આવી છે. ભાજપે છ મહિનાની અંદર યુસીસી લાગુ કરવાનું પણ વચન આપ્યું છે. તેમાં બંગાળમાં સાતમા પગાર પંચ અને કેન્દ્ર સરકારની વિવિધ યોજનાઓનો અમલ પણ શામેલ છે.
ભાજપના ઢંઢેરામાં જણાવાયું છે કે જા ભાજપ સરકાર બનાવે છે, તો મહિલાઓને દર મહિને ૩,૦૦૦ રૂપિયા આપવામાં આવશે.
ઘૂસણખોરી માટે શૂન્ય સહિષ્ણુતા રહેશે.
છ મહિનાની અંદર બંગાળમાં યુસીસી લાગુ કરવામાં આવશે.
સાતમું પગાર પંચ ૪૫ દિવસમાં લાગુ કરવામાં આવશે.
જ્યાં પણ હિંસા થઈ છે ત્યાં ભ્રષ્ટાચારીઓને જેલમાં ધકેલી દેવામાં આવશે.
ગુનેગારોને પકડવા માટે સુપ્રીમ કોર્ટના નિવૃત્ત ન્યાયાધીશ સાથે એક સમિતિ બનાવવામાં આવશે.
ભાજપના મેનિફેસ્ટોમાં એક દિવસ પહેલા વડાપ્રધાન નરેન્દ્ર મોદી દ્વારા જાહેર કરાયેલી છ ગેરંટીઓનો સમાવેશ થાય છે. ગૃહમંત્રી અમિત શાહ આજે પશ્ચિમ મેદિનીપુરમાં ચૂંટણી પ્રચાર શરૂ કરશે. અમિત શાહ બપોરે ૩ વાગ્યે ડેબ્રામાં બાલીચક ભજહરી હાઇ સ્કૂલમાં એક રેલીને સંબોધિત કરશે. શાહની બીજી રેલી સાંજે ૫ વાગ્યે ખડગપુર સદર સ્થિત અતુલમોની સ્કૂલમાં યોજાશે.
પશ્ચિમ બંગાળને પીએમ મોદીની ગેરંટી શું છે?
પહેલી ગેરંટીઃ “ટીએમસી ભય ફેલાવે છે, ભાજપ વિશ્વાસ પુનઃસ્થાપિત કરશે.”
બીજી ગેરંટીઃ “ભાજપ સરકાર હેઠળ, સરકારી વ્યવસ્થા ફક્ત લોકો માટે કામ કરશે.”
ત્રીજી ગેરંટીઃ “દરેક કૌભાંડ, દરેક ભ્રષ્ટાચાર, દીકરીઓ સામેના દરેક અન્યાયનો પર્દાફાશ થશે.”
ચોથી ગેરંટીઃ “દરેક કૌભાંડી, ભલે ગમે તેટલો ઉચ્ચ હોદ્દો ધરાવતો મંત્રી હોય, તેને જેલમાં ધકેલી દેવામાં આવશે.”
પાંચમી ગેરંટીઃ “શરણાર્થીઓને દરેક અધિકાર હશે, અને ઘુસણખોરોને ભારતમાંથી હાંકી કાઢવામાં આવશે.”
છઠ્ઠી ગેરંટીઃ “ભાજપ સરકાર બનતાની સાથે જ સાતમું પગાર પંચ લાગુ કરવામાં આવશે.”