એશિયન ક્રિકેટ કાઉન્સીલે અંડર-૧૯ એશિયા કપનું શેડ્યૂલ જાહેર કર્યું છે. આ વખતે, આ ટુર્નામેન્ટ ૫ નવેમ્બરથી ૧૪ નવેમ્બર દરમિયાન ઓમાનમાં યોજાશે. ભારત અને પાકિસ્તાન સહિત કુલ આઠ ટીમો ભાગ લેશે, જેને ચાર-ચારના બે ગ્રુપમાં વિભાજિત કરવામાં આવશે. આ વખતે અંડર-૧૯ એશિયા કપ વનડે ફોર્મેટમાં યોજાશે, જેમાં ગ્રુપ છ માં ભારત, પાકિસ્તાન, નેપાળ અને યુએઈનો સમાવેશ થાય છે. ગ્રુપ બીમાં અફઘાનિસ્તાન, બાંગ્લાદેશ, શ્રીલંકા અને મલેશિયાની અંડર-૧૯ ટીમોનો સમાવેશ થાય છે. ટુર્નામેન્ટનો પહેલો મુકાબલો ૫ નવેમ્બરે રમાશે, જ્યારે ભારત અને પાકિસ્તાનનો ગ્રુપ સ્ટેજ મુકાબલો ૮ નવેમ્બરે દિવાળીના દિવસે રમાશે.
ભારતીય અંડર-૧૯ ક્રિકેટ ટીમ એશિયા કપ ૨૦૨૬માં પોતાની પહેલી મેચ ૬ નવેમ્બરે નેપાળ અંડર-૧૯ ટીમ સામે અલ અમેરાત ક્રિકેટ ગ્રાઉન્ડ ખાતે રમશે. ત્યારબાદ ટીમ ઈÂન્ડયા પોતાની બીજી ગ્રુપ સ્ટેજ મેચમાં પાકિસ્તાની અંડર-૧૯ ટીમનો સામનો કરશે, જે ઓમાનના અલ અમેરાત ક્રિકેટ ગ્રાઉન્ડ (મિનિસ્ટ્રી ટર્ફ ૨) ખાતે રમાશે. મેચ ભારતીય સમય મુજબ સવારે ૧૦ઃ૩૦ વાગ્યે શરૂ થશે. ત્યારબાદ ટીમ ઈન્ડિયા ૧૦ નવેમ્બરે પોતાની અંતિમ ગ્રુપ સ્ટેજ મેચમાં યુએઈ અંડર-૧૯ ટીમનો સામનો કરશે.
બધાની નજર ભારત અને પાકિસ્તાન વચ્ચેના ગ્રુપ સ્ટેજના મહત્વપૂર્ણ મેચ પર રહેશે.ગ્રુપ સ્ટેજ મેચો સમાપ્ત થયા પછી, બંને સેમિફાઇનલ મેચો ૧૨ નવેમ્બરના રોજ રમાશે, જેમાં ગ્રુપ એ માં ટોચની ટીમ ગ્રુપ બીમાં બીજા ક્રમાંકિત ટીમ સામે ટકરાશે. બીજી સેમિફાઇનલ ગ્રુપ છ માં બીજા ક્રમાંકિત ટીમ અને ગ્રુપ બીમાં પ્રથમ ક્રમાંકિત ટીમ વચ્ચે રમાશે. ફાઇનલ મેચ ૧૪ નવેમ્બરના રોજ યોજાશે. આજ સુધી, ભારતીય ટીમ આઠ વખત અંડર-૧૯ એશિયા કપ જીતી ચૂકી છે અને બે વાર રનર-અપ રહી છે. ટીમ ઇન્ડિયાએ છેલ્લે ૨૦૨૧ માં અંડર-૧૯ એશિયા કપ જીત્યો હતો.