પંજાબના મુખ્યમંત્રી ભગવંત માન કથિત રીતે દારૂ પીને વિધાનસભા ગયા બાદ રાજકારણ ગરમાયું છે.પંજાબ ભાજપના એક પ્રતિનિધિમંડળે રાજ્યપાલ ગુલાબ ચંદ કટારિયાને મળ્યા. તેમણે માંગ કરી કે તેઓ મુખ્યમંત્રી ભગવંત માનને બોલાવે અને તેમને દારૂ છોડવા અથવા રાજીનામું આપવાનું કહે. પંજાબ ભાજપના પ્રમુખ સુનીલ જાખડે સોશિયલ મીડિયા પ્લેટફોર્મ ‘એકસ’ પર લખ્યું કે રવિવારે, ભારતીય જનતા પાર્ટીના એક પ્રતિનિધિમંડળે રાજ્યપાલને મળ્યા અને માંગ કરી કે તેઓ મુખ્યમંત્રી ભગવંત માનને બોલાવે અને તેમને દારૂ છોડવા અથવા રાજીનામું આપવાનું કહે.
રાજ્યપાલને સુપરત કરેલા આવેદનપત્રમાં, ભાજપે લખ્યું છે કે, “અમે તમને પંજાબ રાજ્યમાં બની રહેલી કેટલીક અવ્યવસ્થિત ઘટનાઓ અંગે અમારી ઊંડી ચિંતા વ્યક્ત કરવા માટે લખી રહ્યા છીએ.
વિધાનસભામાં મુખ્યમંત્રીના વર્તનનો ઉલ્લેખ કરતા, ભાજપે લખ્યું છે કે જાહેરમાં ચર્ચા થઈ છે કે મુખ્યમંત્રી ભગવંત માન નશાની હાલતમાં પંજાબ વિધાનસભાના પ્રથમ સત્રમાં હાજરી આપી હતી.તેમણે વિધાનસભાની અંદર અને બહાર પત્રકારોને જે રીતે સંબોધ્યા તે સ્પષ્ટપણે દર્શાવે છે કે તેઓ નશામાં હતા.આવું વર્તન ગૃહની ગરિમાનું અપમાન છે અને લોકશાહી સંસ્થાઓની પવિત્રતાને નબળી પાડે છે.” પક્ષે વધુમાં લખ્યું છે કે પંજાબ એક સંવેદનશીલ સરહદી રાજ્ય છે, જે આંતરિક અને બાહ્ય સુરક્ષા પડકારોનો સામનો કરે છે. આવા રાજ્યનું નેતૃત્વ કરવા માટે અત્યંત જવાબદારી, સતર્કતા અને શિસ્તની જરૂર છે. સામાન્ય લોકોમાં એવી ધારણા વધી રહી છે કે શાસનના મહત્વપૂર્ણ સમયમાં મુખ્યમંત્રી વારંવાર નશામાં હોય છે. આ પરિસ્થિતિ તેમની બંધારણીય ફરજાને અસરકારક રીતે નિભાવવાની ક્ષમતા અંગે ગંભીર ચિંતાઓ ઉભી કરે છે. ભાજપે રાજ્યપાલ પાસેથી આ મામલે યોગ્ય સમજૂતી માંગવાની અને બંધારણીય અખંડિતતા અને જાહેર વિશ્વાસ જાળવવાના હિતમાં મુખ્યમંત્રીને દૂર કરવા સહિત જરૂરી પગલાં લેવાની ભલામણ કરવાની માંગ કરી.