રવિના ટંડને બાંગ્લાદેશી હિન્દુ યુવાન દીપુ દાસની હત્યા કેસ પર પોતાની ચિંતા વ્યક્ત કરી

બોલિવૂડ અભિનેત્રી રવિના ટંડને બાંગ્લાદેશી હિન્દુ યુવાન દીપુ દાસની હત્યા કેસ પર પોતાની ચિંતા વ્યક્ત કરી છે. તેણીએ આ મુદ્દા પર પોતાની કડક પ્રતિક્રિયા વ્યક્ત કરી છે. નોંધનીય છે કે આ ઘટના ત્યારે પ્રકાશમાં આવી હતી જ્યારે બાંગ્લાદેશમાં દીપુ દાસને જાહેરમાં ફાંસી આપવામાં આવી હતી. ત્યારબાદ તેમના શરીરને બધાની સામે સળગાવી દેવામાં આવ્યું હતું. આ ઘટનાનો એક ભયાનક વીડિયો સોશિયલ મીડિયા પર વાયરલ થયો હતો, જેના કારણે સમગ્ર પ્રદેશમાં લોકો દ્વારા તેની નિંદા કરવામાં આવી હતી. રવિના ટંડને પણ આ અંગે અવાજ ઉઠાવ્યો હતો.

અભિનેત્રી રવિના ટંડને સોશિયલ મીડિયા પ્લેટફોર્મ એકસ પર પોસ્ટ કરી, “કેટલાક લોકો હજુ પણ આ હત્યાઓને ન્યાયી ઠેરવશે.” તેણીએ તેની પોસ્ટમાં એક સ્ક્રીનશોટ પણ શેર કર્યો હતો, જેમાં કહેવામાં આવ્યું હતું કે બાંગ્લાદેશમાં જે હિન્દુ પુરુષના શરીરને બાળી નાખવામાં આવ્યું હતું તેના વિરુદ્ધ નિંદાના કોઈ પુરાવા મળ્યા નથી.

દિપુ દાસ એક બાંગ્લાદેશી હિન્દુ હતો જેની બાંગ્લાદેશના મૈમનસિંહમાં હત્યા કરવામાં આવી હતી. તે જ્યાં કામ કરતો હતો તે ફેક્ટરીમાંથી પકડાયા બાદ હિંસા ફાટી નીકળી હતી. તોફાનીઓ દ્વારા તેને નિર્દયતાથી માર મારવામાં આવ્યો હતો. ત્યારબાદ તેને રસ્તાની વચ્ચે ગળામાં દોરડું બાંધીને લટકાવી દેવામાં આવ્યો હતો. ઘટનાના વીડિયોમાં તોફાનીઓ તેમના શરીરને માર મારતા દેખાય છે. ત્યારબાદ શબને આગ લગાવી દેવામાં આવી હતી. તોફાનીઓએ દીપુ દાસ પર નિંદાનો આરોપ લગાવ્યો હતો.

યાન આપવા જેવી વાત એ છે કે વિદ્યાર્થી નેતા ઉસ્માન હાદીના મૃત્યુ બાદ બાંગ્લાદેશમાં આગ લાગી છે. હાદીને માસ્ક પહેરેલા હુમલાખોરોએ ગોળી મારી હતી અને ૧૮ ડિસેમ્બરે સિંગાપોરમાં સારવાર દરમિયાન તેનું મૃત્યુ થયું હતું. આ ઘટના બાદ હિંસા ફાટી નીકળી હતી. બાંગ્લાદેશના વિવિધ વિસ્તારોમાં તોડફોડ કરવામાં આવી હતી, અને આ સમય દરમિયાન તોફાનીઓએ દીપુ દાસને પકડીને મારી નાખ્યો હતો.