મુંબઈ,
બોલીવુડ માટે ૨૦૨૨નું વર્ષ ‘ભુલવા’ જેવું વર્ષ હોવા છતાં સેલીબ્રીટી- એન્ડોર્સમેન્ટ તથા એડ. આવકમાં ફિલ્મી સીતારાઓએ ક્રિકેટ સહિતની ફિલ્ડના સિતારાઓને પાછળ રાખી દીધા છે. અભિનેતા રણવીરસિંઘ ૨૦૨૨નો સૌથી મુલ્યવાન સેલીબ્રીટી સાબીત થયો છે અને તેણે ક્રિકેટ સિતાર વિરાટ કોહલીને પાસેથી નંબર વનનું સ્થાન છીનવી લીધુ છે.
વિરાટ કોહલી સતત પાંચ વર્ષ સુધી નંબર વન સ્થાન પર હતો. સેલીબ્રીટી બ્રાન્ડ વેલ્યુશન રીપોર્ટ મુજબ વિરાટ કોહલીની બ્રાન્ડ વેલ્યુ ૧૭૬.૯ મીલીયન ડોલર છે જે બીજા સ્થાને છે જયારે નંબર વન પર રણવીરસિંઘ ૧૮૧.૭ મિલિયન ડોલરની બ્રાન્ડ વેલ્યુ સાથે નંબર વન બન્યો છે જયારે ત્રીજા સ્થાને અક્ષયકુમાર ૧૫૩.૬ મીલીયન ડોલર સાથે આવ્યો છે.
બોલીવુડમાં આલીયા ભટ્ટનો સમય છે. તેણે આ યાદીમાં નંબર ચારનું સ્થાન મેળવ્યું છે તેની બ્રાન્ડ વેલ્યુ ૧૦૨.૦૯ મીલીયન ડોલર છે. જયારે દિપીકા પદુકોણે નંબર પાંચ પર છે તેણે ૮૨.૯ બીલીયન ડોલરની બ્રાન્ડ વેલ્યુ સ્થાપીત કરી છે. ૨૦૨૨માં સાઉથના મુવીએ ભારત પર ‘રાજ’ કર્યુ અને તેનો ફાયદો હવે સાઉથના અભિનેતાઓને મળવા લાગ્યો છે.
જેમાં અલ્લુ અર્જુન ૩૧.૪ મિલીયન ડોલરની બ્રાન્ડ વેલ્યુ ધરાવે છે અને રશ્મીક મંધાના ૨૫.૩ મીલીયન ડોલરની બ્રાન્ડ વેલ્યુ સાથે ટોપ ૨૫માં સ્થાન મેળવી ગઈ છે. સ્પોર્ટસમાં ઓલમ્પીક ગોલ્ડ મેડલમાં નિરજ ચોપરાની એન્ટ્રી થઈ છે અને તે ૨૩માં સ્થાને છે. જયારે કોમનવેલ્થમાં ગોલ્ડ જીતનાર શટલર પી.વી.સિંધુ પણ આ યાદીમાં છે અને બન્નેની બ્રાન્ડ વેલ્યુ ૨૫.૬ મિલીયન ડોલરની છે.
સચીન તેંડુલકર હજુ પણ બ્રાન્ડ સેલીબ્રીટી છે અને તે ટોપ ટેનમાં ૭૩.૬ મિલીયન ડોલર સાથે ૮માં સ્થાને છે. જયારે એમ.એસ.ધોની ૮૦.૩ મિલિયન ડોલર સાથે છઠ્ઠા સ્થાને છે. અમિતાભ બચ્ચન- રીતીક રોશન અને શાહરુખખાન પણ ટોપ ટેનમાં સામેલ છે.