કર્ણાટકના હુબલીમાં ૧૩ વર્ષની છોકરી પર જાતીય હુમલો કરવાના આરોપમાં ત્રણ સગીર છોકરાઓ સામે કેસ નોંધવામાં આવ્યો છે. કર્ણાટક પોલીસે શનિવારે હુબલીમાં જાતીય હુમલાના આરોપમાં ૧૪ થી ૧૫ વર્ષની વયના ત્રણ સગીર છોકરાઓ સામે જાતીય અપરાધોથી બાળકોના રક્ષણ કાયદા હેઠળ કેસ નોંયો છે.
પોલીસના જણાવ્યા અનુસાર, સગીર છોકરાઓએ એક અઠવાડિયાથી વધુ સમય સુધી છોકરી પર જાતીય હુમલો કર્યો. આ ઘટના ત્યારે બની જ્યારે છોકરીના માતા-પિતા દિવસ દરમિયાન ઘરેથી દૂર હતા.
હુબલી-ધારવાડ પોલીસ કમિશનર એન. શશીકુમારે જણાવ્યું હતું કે એક સગીર છોકરી પર જાતીય હુમલો અને હુમલો કરવા અંગે ફરિયાદ દાખલ કરવામાં આવી છે. ત્રણેય આરોપીઓ ૧૪ થી ૧૫ વર્ષની વયના સગીર છે. અમે તેમને કસ્ટડીમાં લીધા છે.
પોલીસ કમિશનરે વધુમાં જણાવ્યું હતું કે આ છોકરાઓએ છેલ્લા સાતથી આઠ દિવસથી છોકરી પર જાતીય હુમલો કર્યો હતો. છોકરીના માતા-પિતા કામ કરે છે અને દિવસ દરમિયાન ઘરેથી દૂર હોય છે. એન. શશીકુમારે વધુમાં જણાવ્યું હતું કે પોલીસ જાતીય ગુનાઓથી બાળકોના રક્ષણ અધિનિયમ અને કિશોર ન્યાય (સંભાળ અને સુરક્ષા) અધિનિયમ હેઠળ જરૂરી કાર્યવાહીનું પાલન કરશે. વધુ તપાસ ચાલુ છે.
ઉત્તર પ્રદેશના બુલંદશહેરમાં ૧ જાન્યુઆરીએ આવી જ ભયાનક ઘટના બની હતી. ચાર વર્ષની બાળકી પર ક્રૂર હુમલો કરીને તેની હત્યા કરવામાં આવી હતી. આ ઘટના ત્યારે પ્રકાશમાં આવી જ્યારે છોકરી સાંજે તેના ઘરેથી ગુમ થઈ ગઈ. બાદમાં તેનો મૃતદેહ આરોપીના ઘરની પાછળથી મળી આવ્યો. છોકરીના પિતાએ જાતીય હુમલો અને હત્યાનો આરોપ લગાવતા પોલીસમાં એફઆઇઆર નોંધાવી હતી. પોલીસે આરોપીને એક્ધાઉન્ટરમાં પકડી લીધો હતો.