ઉત્તર પ્રદેશ વિધાનસભા ચૂંટણીને થોડા મહિના બાકી છે ત્યારે, મુખ્યમંત્રી યોગી આદિત્યનાથે રાજ્યભરમાં તેમના વ્યાપક જાહેર સંપર્ક અને જાહેર સભાઓને વધુ તીવ્ર બનાવી દીધી છે. બે મહિનામાં, તેઓ ૧૦૦ થી વધુ વિધાનસભા મતવિસ્તારો સુધી પહોંચ્યા છે. છેલ્લા બે મહિનામાં, મુખ્યમંત્રીએ રાજ્યના તમામ ૧૮ વિભાગોની મુલાકાત લીધી છે.
આ સમયગાળા દરમિયાન, તેમણે વિસ્તારમાં વિકાસ કાર્યોની સમીક્ષા કરી, વિભાગોને નવી ભેટો આપી અને જાહેર સભાઓ દ્વારા જનતા સાથે સીધા જાડાવાનો પ્રયાસ કર્યો.માત્ર ૪૫ દિવસમાં, મુખ્યમંત્રી યોગીએ ઉત્તર પ્રદેશના પૂર્વથી પશ્ચિમ અને બુંદેલખંડના વિસ્તારોને આવરી લીધા છે.
તેમની મુલાકાતોમાં બિજનોર અને ગાઝિયાબાદ, તેમજ આગ્રા, ઝાંસી, મૈનપુરી, વારાણસી અને ગોરખપુરનો સમાવેશ થાય છે.યોગીની સક્રિયતા ફક્ત રેલીઓ સુધી મર્યાદિત નથી. પછી ભલે તે પાર્ટીના કાર્યક્રમો હોય, પ્રતિનિધિમંડળો સાથેની બેઠકો હોય, કાયદો અને વ્યવસ્થાની સમીક્ષા હોય કે દૈનિક સરકારી કાર્ય હોય, તેઓ દરેક મોરચે સક્રિય છે. તેઓ “જનતા દર્શન” દ્વારા જનતા સાથે સીધા સંપર્કમાં રહે છે. આનો અર્થ એ છે કે તેઓ ત્રણેય સ્તરે હાજરી જાળવી રાખે છેઃ સરકાર, સંગઠન અને જનતા.
બીજી બાજુ, જ્યારે સમાજવાદી પાર્ટીની વાત આવે છે, ત્યારે અખિલેશ યાદવે માર્ચમાં ગાઝિયાબાદના દાદરીમાં તેમની છેલ્લી જાહેર રેલી યોજી હતી. આને સપાના ૨૦૨૭ના ચૂંટણી પ્રચારની શરૂઆત માનવામાં આવતી હતી. ત્યારથી લગભગ ચાર મહિના વીતી ગયા હોવા છતાં, તેમણે કોઈ મોટી જાહેર રેલીઓ યોજી નથી.
રેલીઓને બદલે, તેઓ પ્રેસ કોન્ફરન્સ, સોશિયલ મીડિયા અને નેતાઓના વ્યક્તગત કાર્યક્રમો પર ધ્યાન કેન્દ્રિત કરતા હોય તેવું લાગે છે.જા આપણે રેલીના આંકડા જાઈએ તો, મુખ્યમંત્રી યોગી અને અખિલેશ યાદવના ચૂંટણી પ્રચાર વચ્ચે ‘૧૦૦ વિરુદ્ધ ૧’ તફાવત સ્પષ્ટ છે. યોગીની પાયાની સક્રિયતાના પરિણામે, સતત બે કાર્યકાળ પૂર્ણ કર્યા પછી પણ તેમની લોકપ્રિયતા અકબંધ રહી છે.
તેમની રેલીઓ નોંધપાત્ર ભીડને આકર્ષિત કરવાનું ચાલુ રાખે છે.રાજ્યની બીજી શક્તિશાળી પાર્ટી, માયાવતીની આગેવાની હેઠળની બહુજન સમાજ પાર્ટી જાહેર સભાઓ યોજવાનું ટાળી રહી છે. ઉત્તર પ્રદેશમાં પાર્ટીના વડા અને ભૂતપૂર્વ મુખ્યમંત્રી માયાવતીની છેલ્લી મોટી રેલી ગયા વર્ષે ૯ ઓક્ટોબરે લખનૌના કાંશીરામ સ્મારક ખાતે યોજાઈ હતી.ચૂંટણી નજીક આવતાં પણ, ભાજપ અને સપાની તુલનામાં બસપા જમીન પર ઓછી સક્રિય દેખાઈ રહી છે. માયાવતીના મોટાભાગના સંદેશા તેમના સોશિયલ મીડિયા પ્લેટફોર્મ દ્વારા આવે છે. યોગી આદિત્યનાથની સક્રિયતાને જાતાં, અખિલેશ યાદવ અને માયાવતી ક્્યારે લોકો સુધી પહોંચવાનું શરૂ કરશે તે જાવાનું બાકી છે.