મહેસાણા જિલ્લામાં એક ચિંતાજનક ઘટના સામે આવી છે. નુગર નજીક આવેલા સરકારી ચિલ્ડ્રન હોમમાંથી ૧૩ વર્ષીય કિશોર ગુમ થતાં ચકચાર મચી ગઈ છે. કિશોર ગુમ થવાની ઘટના બાદ સંસ્થાની સુરક્ષા વ્યવસ્થા અને સ્ટાફની કામગીરી સામે અનેક સવાલો ઉભા થયા છે. મળતી માહિતી મુજબ, કિશોરે નાઈટ વોચમેનને ટોયલેટ જવાનું હોવાનું કહીને બહાર જવા માટે પરવાનગી લીધી હતી. ત્યારબાદ તે પરત ફર્યો ન હતો. લાંબા સમય સુધી કિશોર ન મળતા ચિલ્ડ્રન હોમના સ્ટાફમાં દોડધામ મચી ગઈ હતી.
પ્રાથમિક માહિતી અનુસાર, નુગર નજીક આવેલા સરકારી ચિલ્ડ્રન હોમમાં રહેતો ૧૩ વર્ષીય કિશોર રાત્રિના સમયે નાઈટ વોચમેનને ટોયલેટ જવાનું કહીને બહાર નીકળ્યો હતો.જોકે, બહાર ગયા બાદ તે ફરીથી ચિલ્ડ્રન હોમમાં પરત આવ્યો ન હતો. કિશોરની શોધખોળ કરવામાં આવતા તે ક્યાય મળી આવ્યો ન હતો.
ચિલ્ડ્રન હોમમાં સ્ટાફ હાજર હોવા છતાં કિશોર બહાર કેવી રીતે નીકળી ગયો અને તેની જાણ કેમ ન થઈ તે અંગે સવાલો ઉઠી રહ્યા છે.ઘટનાને સંસ્થાની બેદરકારી સાથે જાડીને પણ ચર્ચા થઈ રહી છે. કિશોરની સુરક્ષા માટેની વ્યવસ્થા અંગે હવે તપાસ જરૂરી બની છે.
કિશોર ગુમ થયા બાદ ચિલ્ડ્રન હોમના કાઉન્સીલરે તાલુકા પોલીસ સ્ટેશનમાં ફરિયાદ નોંધાવી છે. પોલીસે ગુમ થયેલા કિશોરની શોધખોળ શરૂ કરી છે.હાલમાં પોલીસ દ્વારા આસપાસના વિસ્તારોમાં તપાસ હાથ ધરવામાં આવી રહી છે તેમજ કિશોર ક્યાં ગયો તે અંગે વધુ માહિતી મેળવવાના પ્રયાસો ચાલી રહ્યા છે.
૧૩ વર્ષીય કિશોરને સુરક્ષિત રીતે શોધી કાઢવા માટે પોલીસ ટીમ દ્વારા જરૂરી કાર્યવાહી કરવામાં આવી રહી છે. આ સમગ્ર મામલે ચિલ્ડ્રન હોમની સુરક્ષા વ્યવસ્થા અને જવાબદાર લોકોની ભૂમિકા અંગે પણ તપાસ થઈ શકે છે.