બિહારના મધુબનીમાંથી એક મહિલા પર હુમલો કરવાનો કેસ પ્રકાશમાં આવ્યો છે. અહેવાલો અનુસાર, બદમાશોએ માત્ર એક મહિલાને ખેંચી જ નહીં પરંતુ તેને વીજળીના થાંભલા સાથે બાંધીને ગંભીર રીતે માર માર્યો હતો. આ ઘટના માધવપુર પોલીસ સ્ટેશનના અધિકારક્ષેત્ર હેઠળ આવતા બિહારી ગામમાં બની હતી. પોલીસે કેસ નોંધ્યો છે અને આરોપીઓની શોધ કરી રહી છે. આ ઘટનાથી વિસ્તારમાં ભારે ગભરાટ ફેલાયો છે. આ ઘટનાનો એક વીડિયો પણ વાયરલ થઈ રહ્યો છે.
અહેવાલો અનુસાર, પીડિતાને કેટલાક ગ્રામજનોએ લોનની રકમ ચૂકવવામાં નિષ્ફળ રહેવાનો આરોપ લગાવીને માર માર્યો હતો. તેણીને થાંભલા સાથે બાંધીને માર મારવામાં આવ્યો હતો. આ મામલે પંચાયત પણ યોજાઈ હતી. માહિતી મળતાં જ પોલીસ તાત્કાલિક ઘટનાસ્થળે પહોંચી હતી. પોલીસને જાઈને બધા આરોપીઓ ભાગી ગયા હતા. ત્યારબાદ પીડિતાને હોસ્પિટલમાં લઈ જવામાં આવી હતી, જ્યાં તેણીની સારવાર કરવામાં આવી હતી. એસપી યોગેન્દ્ર કુમારે જણાવ્યું હતું કે ગામના ૧૦ લોકોએ એક મહિલાને વીજળીના થાંભલા સાથે બાંધી, માર માર્યો અને તેને ઘસીને લઈ ગયા હતા. માધવપુર પોલીસ સ્ટેશનમાં બે પુરુષો સહિત ૧૦ મહિલાઓ વિરુદ્ધ એફઆઇઆર દાખલ કરવામાં આવી છે. પોલીસ આરોપીઓની ધરપકડ કરવા માટે કાર્યવાહી કરી રહી છે.