બાંગ્લાદેશ પ્રીમિયર લીગ (બીપીએલ) અંગે એક મોટી અપડેટ આવી છે. બાંગ્લાદેશ પ્રીમિયર લીગની નવી સીઝન ડિસેમ્બરમાં શરૂ થશે. જોકે, ચાહકો આ વખતે ઉદ્ઘાટન સમારોહનો આનંદ માણી શકશે નહીં. હકીક્તમાં, બાંગ્લાદેશ ક્રિકેટ બોર્ડ ના પ્રમુખ અમીનુલ ઇસ્લામે ૧૭ ડિસેમ્બરે સ્પષ્ટતા કરી હતી કે સુરક્ષા ચિંતાઓને કારણે બાંગ્લાદેશ પ્રીમિયર લીગનો ઉદ્ઘાટન સમારોહ યોજાશે નહીં. તાજેતરમાં નિયુક્ત રમતગમત સલાહકાર આસિફ નજરુલ સાથેની બેઠક બાદ આ નિર્ણય લેવામાં આવ્યો હતો. અગાઉ, બીપીએલ ગવનગ કાઉન્સિલે જાહેરાત કરી હતી કે ટુર્નામેન્ટ ૨૬ ડિસેમ્બરે સિલહટમાં શરૂ થશે, અને ૨૪ ડિસેમ્બરે ઢાકામાં ભવ્ય ઉદ્ઘાટન સમારોહ યોજાશે. જો કે, બોર્ડે હવે ઉદ્ઘાટન સમારોહને સંપૂર્ણપણે મુલતવી રાખવાનો નિર્ણય લીધો છે.
ક્રિકબઝના અહેવાલ મુજબ, અમીનુલ ઇસ્લામે કહ્યું, દેશની વર્તમાન પરિસ્થિતિ અને સુરક્ષા અમારા માટે સૌથી મોટા પરિબળો છે. અમારી પ્રાથમિક્તા મેચો સુચારુ રીતે યોજાય તે સુનિશ્ર્ચિત કરવાની છે. હાલમાં, અમારું સંપૂર્ણ યાન ક્રિકેટ પર છે. સૂત્રોના જણાવ્યા અનુસાર, વરિષ્ઠ સરકારી અધિકારીઓએ ઉદઘાટન સમારોહ પછીની તારીખે યોજવાનું સૂચન કર્યું હતું, અને તેને ચાર દિવસ મુલતવી રાખવાનો પ્રસ્તાવ મૂકવામાં આવ્યો હતો. જો કે,બીસીબીએ સ્પષ્ટતા કરી હતી કે આ તબક્કે ફેરફારો શક્ય નથી, કારણ કે આ વિદેશી ખેલાડીઓની ઉપલબ્ધતાને અસર કરી શકે છે. તાજેતરના સમયમાં દેશની રાજકીય પરિસ્થિતિ પણ વધુ સંવેદનશીલ બની છે. ૧૨ ફેબ્રુઆરી, ૨૦૨૬ ના રોજ યોજાનારી રાષ્ટ્રીય ચૂંટણીઓને યાનમાં રાખીને સુરક્ષા એજન્સીઓ મોટા જાહેર કાર્યક્રમો પ્રત્યે સાવધ છે.
અમીનુલના નિવેદનના થોડા કલાકો પછી, બીપીએલ ગવનગ કાઉન્સિલે પણ એક પ્રેસ રિલીઝ જારી કરીને સરકારી સલાહ અનુસાર ઉદ્ઘાટન સમારોહ મુલતવી રાખવાની પુષ્ટિ કરી. નિવેદનમાં જણાવાયું છે કે મોટા પાયે કાર્યક્રમો અંગે બાંગ્લાદેશ સરકારની સલાહને યાનમાં રાખીને અને તમામ સંબંધિતોની સલામતીને યાનમાં રાખીને,બીપીએલ ગવનગ કાઉન્સિલે કોઈપણ પૂર્વ-ઇવેન્ટ અથવા ઉદ્ઘાટન સમારોહ ન યોજવાનો નિર્ણય લીધો છે.
ગવનગ કાઉન્સિલે એ પણ પુનરોચ્ચાર કર્યો કે બીપીએલની ૧૨મી આવૃત્તિ ૨૬ ડિસેમ્બર, ૨૦૨૫ ના રોજ સિલહટમાં નિર્ધારિત સમય મુજબ શરૂ થશે. એવી પણ ખાતરી આપવામાં આવી હતી કે ખેલાડીઓ, દર્શકો, અમ્પાયરો અને તમામ હિસ્સેદારો માટે સલામત અને વ્યવસ્થિત વાતાવરણ સુનિશ્ર્ચિત કરવામાં આવશે. પ્રેસ રિલીઝમાં વધુમાં જણાવાયું છે કે બીસીબી અને બીપીએલ ગવનગ કાઉન્સિલ દર્શકોને સ્ટેડિયમમાં પાછા આવકારવા માટે તૈયાર છે અને એક રોમાંચક, સ્પર્ધાત્મક અને યાદગાર બીપીએલ ટી ૨૦ ૨૦૨૬ ટુર્નામેન્ટ આપવા માટે સંપૂર્ણપણે પ્રતિબદ્ધ છે.