અરવલ્લી જિલ્લાના રતનપુર ચેકપોસ્ટ પરથી વાહન ચેકિંગ દરમિયાન પોલીસે એક મોટી કાર્યવાહી હાથ ધરી છે, જેમાં એક કારમાંથી ૧.૫ કરોડની બિનહિસાબી રોકડ ઝડપાઈ છે. શામળાજી પોલીસ દ્વારા હાથ ધરાયેલા નિયમિત વાહન ચેકિંગ અભિયાન દરમિયાન આ સફળતા મળી હતી. પોલીસે એક શંકાસ્પદ કારને રોકાવીને તેની તલાશી લીધી હતી, જેમાં કારના બોનેટમાં એન્જિન ઉપરના ભાગે ખાસ રીતે છુપાવેલી રોકડ રકમ મળી આવી હતી.
પ્રાથમિક તપાસ મુજબ, આ રોકડ ૫૦૦ રૂપિયાના દરની નોટોના ૪૪ જેટલા બંડલ સ્વરૂપે બે થેલીમાં ભરેલી હતી. ઝડપાયેલ યુવક ડુંગરપુરનો રહેવાસી હોવાનું જાણવા મળ્યું છે અને તે આ રોકડ રકમ હિંમતનગર તરફ લઈ જઈ રહ્યો હતો. જોકે, પોલીસ દ્વારા પૂછપરછ કરવામાં આવતા કાર ચાલક રોકડના ોત અને તેના ગંતવ્ય સ્થાન અંગે કોઈ સંતોષકારક ખુલાસો આપી શક્યો ન હતો. રોકડના માલિકી અને હેતુ અંગે અસ્પષ્ટતા હોવાથી, પોલીસે તાત્કાલિક આ બાબતે ઇક્ધમટેક્સ વિભાગને જાણ કરી હતી.
શામળાજી પોલીસ હાલમાં આ રોકડ ક્યાંથી આવી હતી અને હિંમતનગરમાં કોને પહોંચાડવાની હતી તે દિશામાં સઘન પૂછપરછ અને તપાસ કરી રહી છે. પ્રાથમિક તપાસમાં એવું સામે આવ્યું છે કે આ રકમ હિંમતનગર ખાતે આપવાની હતી, પરંતુ તેના પાછળનો હેતુ અને કોણ આ રકમ મેળવવાનું હતું તે હજુ સ્પષ્ટ નથી. આઈટી વિભાગને રિપોર્ટ કરવામાં આવ્યો હોવાથી, હવે ઇક્ધમટેક્સ વિભાગ દ્વારા પણ આ સમગ્ર મામલે વિસ્તૃત તપાસ હાથ ધરવામાં આવશે. બિનહિસાબી રોકડ મળી આવતા મની લોન્ડરિંગ અથવા અન્ય ગેરકાયદેસર પ્રવૃત્તિની શંકાના આધારે આ મામલો વધુ ગંભીર બન્યો છે. સત્તાવાળાઓ દ્વારા આ મામલે યોગ્ય કાયદેસરની કાર્યવાહી કરવામાં આવશે તેવી અપેક્ષા છે. આ ઘટના ફરી એકવાર રાજ્યમાં ગેરકાયદેસર રોકડ હેરફેર પર પોલીસની બાજ નજર દર્શાવે છે.