શહેરા,
શહેરા સહિત સમગ્ર જિલ્લામાં વિધાનસભાની ચૂંટણીને લઈને તંત્ર સજજ બનવા સાથે પસાર થતા હાઇવે માર્ગ ઉપર ચેક પોસ્ટ ઉભી કરવામાં આવી છે. જ્યારે જિલ્લાના પાનમ ટોલનાકા પાસે એસ.એસ.ટી.ની ટીમ દ્વારા જિલ્લામાં પ્રવેશતા તમામ વાહનોનું કડક ચેકિંગ હાથ ધરવામાં આવી રહયું છે.
પંચમહાલ જિલ્લાની પાંચ વિધાનસભા બેઠકની વિધાનસભાની ચૂંટણીને લઈને અનેક જગ્યાએ ચેક પોસ્ટ ઊભી કરવામાં આવી છે. ત્યારે શહેરા લુણાવાડા હાઇવે માર્ગ ઉપર પાનમ ટોલનાકા પાસે જિલ્લામાં પ્રવેશતા વાહનોનું ચેકિંગ એસ.એસ.ટી.ની ટીમ દ્વારા કરવામાં આવી રહી છે. વાહનોને ઉભા રાખીને વાહનોના નંબર પણ લખવામાં આવવા સાથે ક્યાંથી ક્યાં જઈ રહ્યા હોય તેની પૂછપરછ પણ કરવામાં આવતી હોય છે. જોકે, વાહન ચેકિંગ દરમિયાન કોઈ શંકાસ્પદ વાહન હોય તો તે વાહન ના જરૂરી કાગળો સાથે ડીકીમાં રહેલ થેલા તેમજ બેંગો પણ ચેકિંગ કરવામાં આવતી હોય છે. અત્યાર સુધી એસ.એસ.ટી.ની ટીમ દ્વારા 3000 કરતા વધુ વાહનોનું ચેકિંગ કરવામાં આવવા સાથે નંબર પણ લખવામાં આવતા હોવા સાથે કોઈ પણ રોકડ રકમ કેે દારૂનો જથ્થો સહિત અન્ય કોઈ વસ્તુ ઝડપાઇ નથી.