દિલ્હી મ્યુનિસિપલ કોર્પોરેશન (એમસીડી) માં ભ્રષ્ટાચાર સામે મોટી કાર્યવાહી કરવામાં આવી છે. તપાસ એજન્સી, સેન્ટ્રલ બ્યુરો ઓફ ઇન્વેસ્ટગેશનએ શાહદરા ઉત્તર ઝોનના ડેપ્યુટી કમિશનર લેફ્ટનન્ટ કર્નલ અભિષેક કુમાર મિશ્રાની ધરપકડ કરી છે. અધિકારીઓએ જાહેરાત કરી હતી કે શાહદરા ઉત્તર ઝોનના ડેપ્યુટી કમિશનર ૪ લાખની લાંચ લેતા રંગે હાથે પકડાયા હતા.
એવો આરોપ છે કે ડેપ્યુટી કમિશનર અભિષેક કુમાર મિશ્રાએ ચોક્કસ કાર્ય માટે ૪ લાખની માંગણી કરી હતી. સીબીઆઈને આ અંગે માહિતી મળી હતી, જેના પગલે છટકું ગોઠવવામાં આવ્યું હતું અને લાંચ લેતી વખતે અધિકારીની રંગે હાથે ધરપકડ કરવામાં આવી હતી. ધરપકડ કરાયેલ અધિકારી ભારતીય સેનામાં લેફ્ટનન્ટ કર્નલ છે, જે હાલમાં એમસીડીમાં ડેપ્યુટેશન પર છે. સીબીઆઈ ટીમ હવે અધિકારીની પૂછપરછ કરી રહી છે અને આ કેસમાં અન્ય કોઈ વ્યક્તિઓં સંડોવાયેલા છે કે કેમ તે નક્કી કરવાનો પ્રયાસ કરી રહી છે. ધરપકડથી એમસીડી વિભાગમાં ખળભળાટ મચી ગયો છે.
દિલ્હી મ્યુનિસિપલ કોર્પોરેશન (એમસીડી) વિશ્વની સૌથી મોટી શહેરી સંસ્થાઓમાંની એક છે, જે દિલ્હીના લગભગ ૯૬% ભૌગોલિક વિસ્તારને નાગરિક સેવાઓ પૂરી પાડે છે. તેની સ્થાપના ૭ એપ્રિલ, ૧૯૫૮ ના રોજ સંસદના એક કાયદા હેઠળ કરવામાં આવી હતી. શરૂઆતમાં વહીવટી હેતુઓ માટે તેને ત્રણ મ્યુનિસિપલ કોર્પોરેશનો (ઉત્તર, દક્ષિણ અને પૂર્વ દિલ્હી) માં વિભાજિત કરવામાં આવ્યું હતું, પરંતુ ૨૨ મે, ૨૦૨૨ ના રોજ કેન્દ્ર સરકાર દ્વારા તેને દિલ્હીના એક જ મ્યુનિસિપલ કોર્પોરેશનમાં ફરીથી જાડવામાં આવ્યું. તેનું મુખ્ય મથક મિન્ટો રોડ પર ઐતિહાસિક સિવિક સેન્ટર ખાતે આવેલું છે.