શહેરા તાલુકાના વાડીગામ નાં ભોઇ ફળિયામાં પોલીસે જુગારધામ પર રેડ કરતા દોડાદોડી ના દ્રશ્યો સર્જાયા હતા. પોલીસ ના હાથમાં ત્રણ જુગારીઓ ઝડપાયા હતા. જ્યારે પાંચ જુગારીઓ ભાગી જવામાં સફળ રહ્યા હતા. પોલીસે આ મામલે રૂપીયા 5420 ના મુદ્દામાલ સાથે કાર્યવાહી હાથધરી હતી.
શહેરા તાલુકાના વાડીગામ ના ભોઈ ફળિયામાં જુગાર રમાતો હોવાની માહિતી પોલીસના ઉચ્ચ અધિકારીને મળી હતી. જેને લઇને પોલીસ મથકના એ.એસ.આઇ હિતેશભાઈ પ્રજાપતિ અને દિલીપભાઈ સહિતના પોલીસ સ્ટાફ એ બાતમી ના સ્થળે ચારે તરફથી ઘેરો ઘાલીને રેડ પાડી હતી. શ્રાવણીયો હાર-જીતનો જુગાર રમતા જુગારીઓમાં દોડાદોડી ના દ્રશ્યો સર્જાયા હતા. જોકે પોલીસના હાથમાંથી પાંચ જેટલા જુગારીયાઓ ફરાર થવામાં સફળ થયા હતા. જ્યારે કાંતિભાઈ માછી, ઈશ્વર ભાઈ માછી અને ગોપાલ માછી પોલીસના હાથમા આવી ગયા હતા. પોલીસે ના દાવ ઉપરના રૂપિયા સાથે પકડી પાડેલ જુગારીયાઓને પોલીસ મથક ખાતે લાવીને ભાગી ગયેલ પાંચ શખ્સોની ના નામની પૂછપરછ હાથ ધરી હતી. પોલીસે 5,420 રૂપિયાના મુદ્દામાલ સાથે જુગારધામ પરથી નાસી જનાર ગુલાબ માછી , સંજયભાઈ માછી , અમિતભાઈ માછી , જયદીપભાઇ માછી અને આશિષભાઈ માછી તમામ રહે વાડીગામ નાઓને પકડવાના ચક્રો ગતિમાન કર્યા છે.