ઝાલોદ,ઝાલોદ તાલુકાના ગરાડુ મુકામે ઝાલોદ પી.એસ.આઇ એમ.એમ.માળી પોતાના પોલીસ સ્ટાફ સાથે પેટ્રોલિંગમા હતા. તે દરમ્યાન તેમને રાજસ્થાન તરફથી એક્ટિવા GJ-20-BD-0371 લઈને બે ઈસમો દારૂ લઈને આવી રહેલ છે તેવી બાતમી મળેલ હતી. તેના આધારે તેઓ એક્ટિવા ની વોચમા વહેલી સવારે ઉભા હતા. તેવામાં બાતમી વાળુ વાહન આવતા તેને રોકવાનો ઈસારો કરવામાં આવતા એક્ટિવા ચાલક ગાડી વળાવી એક ખાડામાં ઉતારી ગાડી પર સવાર બંને ઈસમો ખેતરમાં અંધારાનો લાભ લઈ નાસી છુટેલ હતા.
પોલીસ દ્વારા એક્ટિવા ગાડી જેની કિંમત આસરે 30000 અને વિમલના થેલીમાં ભરેલ વિદેશી દારૂની કુલ 240 બોટલ જેની અંદાજીત કિંમત 28,656 સાથે કુલ 58,656 રૂપિયાનો મુદ્દામાલ ઝડપી બે ફરાર આરોપી વિરૂદ્ધ ગુનો નોંધી કાયદેસરની કાર્યવાહી હાથ ધરેલ છે. પોલીસ દ્વારા પોકેટકોપ દ્વારા એક્ટિવા ગાડીનાં માલિકનું નામ સર્ચ કરતા શૈલેશ કાળું મછાર ( લખનપુર, ફતેપુરા) જણાઈ આવેલ છે.