તા. 27/07/2024ના શનિવારના રોજ સવારે 11.00 ક્લાકે દાહોદ પ્રસંગ પાર્ટી પ્લોટ-2 ખાતે ગુજરાત પ્રદેશ કોંગેસ સમિતિના પ્રમુખ શક્તિસિંહ ગોહિલ, ગુજરાત પ્રભારી મુકુલ વાસનિક અને ગુજરાત વિધાનસભાના વિપક્ષ નેતા આદરણીય અમિત ચાવડા દાહોદ જીલ્લાના મુખ્ય આગેવાન કાર્યકર્તાઓની ખાસ મુલાકાત અર્થે ઉપસ્થિત થનાર હોવાથી આજરોજ ઝાલોદ તાલુકા કોંગ્રેસ સમિતિના આગેવાન કાર્યકર્તા ઓની લીમડી બ્રાઇટ સ્કૂલ ખાતે ખાસ મિટિંગ યોજવામાં આવેલ હતી.
આ મિટિંગમાં દાહોદ જીલ્લા કોંગ્રેસ પ્રમુખ હર્ષદભાઈ નિનામા, ઝાલોદ પ્રમુખ મુકેશભાઈ ડાંગી, ઝાલોદના પૂર્વ ધારાસભ્ય મિતેષભાઈ ગરાસિયા અને તમામ જીલ્લા/તાલુકા પંચાયતના સંયોજકો/સહ સંયોજકો/ ઇન્ચાર્જ / સહ ઇન્ચાર્જ સહિત મુખ્ય આગેવાન કાર્યકરતાઓ ઉપસ્થિત રહ્યા હતા. જે અંતર્ગત જીલ્લા પ્રમુખ દ્વારા આવનાર તાલુકા જીલ્લા પંચાયતની અને દિવાળીની આસપાસ યોજાનાર નગરપાલિકા અને ગ્રામ પંચાયતની ચૂંટણીઓ બાબતે અને સંગઠનને વધુમાં વધુ મજબૂત બને તે માટે કાર્યકર્તા ઓને માર્ગદર્શન આપ્યું હતું.