દાહોદ, ઝાલોદ પોલીસ સ્ટેશન વિસ્તારની 100 મીટરના અંતરમાં હીરો મોટર સાયકલનો શો રૂમ આવેલ છે. તારીખ 18-05-2023 ના રોજના રૂટિન મુજબ રાત્રે 8 વાગ્યે હીરો મોટર સાયકલનો શો રૂમ બંધ કરવામાં આવ્યો હતો. બીજે દિવસે સવારે 19-05-2023 સવારે 9 વાગ્યે કામદાર વસૈયા રોહીત દ્વારા શો રૂમ ખોલવામાં આવ્યો હતો ત્યાં અંદર પ્રવેશ કરતા સોફા પર સામાન વેરવિખેર પડેલ હતું તેમજ ઓફિસનું તાળું તૂટેલ હતું અને ઓફિસની અંદર બધો સામાન વેરવિખેર જોવા મળેલ હતો ત્યાર બાદ કામદાર વસૈયા રોહીત દ્વારા શો રૂમના માલિક ઇમરાન ગુંડાલાને આ અંગે માહિતી આપી હતી.
ઇમરાન ગુડાલા દ્વારા તપાસ કરાતા ઓફિસની અંદર થી 60000 રોકડા તેમજ કેમેરાનુ ડીવીઆર ચોરી થયેલ હોવાની જાણ થયેલ હતી તેમજ સૌથી ચોંકાવનાર ઘટના મુજબ ચોર દ્વારા મૈ હુ ચોર નાથુભાઇ નિનામા, મો.ન.9726465439 અને તેની સાથે અપશબ્દો લખી ચીઠ્ઠી મૂકી ગયેલ હતો. ચોર શો રૂમની પાછળના ભાગમાંથી આવી ચોરી કરી નાશી ગયેલ હતો.