ઝાલોદ પાલિકાને સ્ટ્રીટ લાઈટ અને વોટર વકર્સના બીલ માટે એમ.જી.વી.સી.એલ. નોટીસ બા મીલ ન ભરતા સ્ટ્રીટ લાઈટ દ્વારા નોટીસ અપાઈ બંધ થશે

દાહોદ,

ઝાલોદ નગર પાલિકાને એમ.જી.વી.સી.એલ દ્વારા સ્ટ્રીટ લાઈટ અને વોટર વર્કસના લાઇટ બિલ ભરવા નોટીસ ફટકારાઈ હતી. અંદાજીત બે કરોડ સત્યાસી લાખ પંચાવન હજાર રૂપિયા નગર પાલિકા દ્વારા ભરવાના બાકી હોવાનું જાણવા મળે છે. નાણાં નહીં ભરાય તો 18-02-2023 ના રોજ થી સ્ટ્રીટ લાઇટ બંધ થવાના સંકેત મળી રહ્યાં છે.

એમ.જી.વી.સી.એલ તરફ થી ઝાલોદ નગર પાલિકાના બાકી નીકળતા નાણા ભરવા માટે ચીફ ઓફીસરને 24 કલાકની મુદત આપતી નોટિસ આપવામાં આવેલ છે. નોટિસમાં જણાવ્યા અનુસાર ઝાલોદ નગર પાલિકાની સ્ટ્રીટ લાઈટ અને વોટર વર્કસના વીજ બિલના 48.80 લાખ અને વોટર વર્કસના 238.75 લાખ આમ બંને થઇ કુલ 287.55 લાખનું બિલ ભરપાઇ કરવાનું બાકી છે. જે સંદર્ભે ઝાલોદ નગર પાલિકાને 17-02-2023 સુધી બિલ ભરવાની નોટીસ નગરપાલિકાને આપવામાં આવેલ છે. જો નગરપાલિકા દ્વારા રકમ ભરવામાં નહીં આવેતો 18-02-2023 ના રોજ થી સ્ટ્રીટ લાઇટ અને વોટર વર્કસના કનેક્શન કાપવા માટેની નોટિસ વીજ કંપની દ્વારા આપવામાં આવેલ છે. જો નગર પાલિકા વીજ બિલ નહીં ભરેતો સ્ટ્રીટ લાઇટ બંધ થતાં નગરમાં અંધારપટ છવાઈ જશે. આ અંગે નગરજનોમાં ચર્ચાનો વિષય બની ગયેલ જોવા મળી રહેલો છે.