દાહોદ, દાહોદ જીલ્લાના ઝાલોદ હાઇવે રોડ પર લીમડી નજીક ખેડા બાયપાસ તળાવ પાસે એક ફોરવીલર ગાડીના ચાલકે એક મોટરસાયકલના ચાલકને અડફેટમાં લેતા મોટરસાયકલ ચાલકનું મોત નીપજનો જાણવા મળે છે.
ગત તારીખ 8 જૂન ના રોજ ઝાલોદ તાલુકાના નાની હાંડી ગામે પટેલ ફળિયામાં રહેતા પિયુષભાઈ કાળુભાઈ નીનામા પોતાના કબજાની મોટરસાયકલ લઇ ઝાલોદ હાઇવે રોડ પર લીમડી નજીક ખેડા બાયપાસ તળાવ પાસેથી પસાર થઈ રહ્યા હતા. તે સમયે એક ફોરવીલર ગાડી ના ચાલકે પોતાના કબજાની ફોરવીલર ગાડી પૂર ઝડપે તેમજ ગફલત ભરી રીતે હંકારી લાવી પિયુષભાઈની મોટરસાયકલને જોશભેર ટક્કર મારતા પિયુષભાઈ પિયુષભાઈ મોટરસાયકલ પરથી ફંગોળાઈ જમીન પર ફટકાયા હતા. જેને પગલે તેઓનું મોત નીપજ્યું હતું જ્યારે ફોરવીલર ગાડીનો ચાલક અકસ્માત સર્જી નાસી જતા આ સંબંધે કાજુભાઈ સેનાભાઈ નીનામાએ લીમડી પોલીસ મથકે ફરિયાદ નોંધાવતા પોલીસે ગુનો નોંધી આગળની કાયદેસરની કાર્યવાહી હાથ કરી છે.