પ્રજાપતિ નટવરલાલ ભીખાલાલ જે મહાવીર કુરીયરના નામે ઝાલોદ નગરમાં વર્ષો થી વ્યાપાર કરે છે. જેથી વ્યાપારી વર્ગમા તેમની સારી ઓળખાણ છે. પ્રજાપતિ નટવરલાલના નામથી કોઈક અજાણ્યા શખ્સ જેનો મોબાઇલ નંબર 7984268135 છે તે આ નંબર થી કોલ કરી બનાવટી બહાનું કરી રૂપિયાની માંગણી કરી નગરના અમુક લોકોને છેતર્યા છે, તેવું માલુમ પડેલ છે. આ અંગે નટવરલાલ પ્રજાપતિને માલૂમ પડતાં આ બધું ખોટું છે અને તેમને બદનામ કરવા કોઈ અજાણી વ્યક્તિ આવા કામ કરી રહેલ છે તેમ જણાવ્યું હતું. નટવરલાલ પ્રજાપતિ દ્વારા આ અંગે ઝાલોદ પોલીસ સ્ટેશનમાં જાણવા જોગ અરજી આપવામાં આવેલ છે અને આવા ફ્રોડ કરનાર વ્યક્તિ પર કાયદેસર કાર્યવાહી કરવામાં આવે તેવી માંગ કરવામાં આવેલ છે.