દાહોદ જીલ્લાની ઝાલોદ પોલીસે ગતરોજ બપોરના સમયે ધાવડીયા ચેક પોસ્ટ નજીકથી જીપ્સમ પ્લાસ્ટર પાવડરની થેલીઓની નીચે વિદેશી દારૂનો જથ્થો સંતાડીને રાજસ્થાનથી ઝાલોદ તરફ આવી રહેલી રાજસ્થાન પાસિંગની અશોક લેલેન્ડ ટ્રક પકડી પાડી ટ્રકમાંથી રૂપિયા 17.11 લાખ ઉપરાંતની કિંમતના વિદેશી દારૂની સાથે સાથે રૂપિયા 67,500/-ની કિંમતની જીપ્સમ પ્લાસ્ટર પાવડરની થેલીઓ પકડી પાડી રૂપિયા દસ લાખની કિંમતની અશોક લેલેન્ડ ટ્રક મળી કુલ રૂપિયા 27,78,628/-નો મુદ્દામાલ કબજે લીધાનું પોલીસ સૂત્રો દ્વારા સત્તાવાર રીતે જાણવા મળ્યું છે
ગતરોજ ઝાલોદ પીએસઆઇ એમએમ માળી પોતાના સ્ટાફના માણસોની સાથે લઈ પોતાના પોલીસ સ્ટેશન વિસ્તારમાં પેટ્રોલિંગ કરી રહ્યા હતા. તે દરમિયાન તેઓને બાતમી મળી હતી કે, રાજસ્થાન પાસિંગની આર.જે.-27જી.એ-8166 નંબરની અશોક લેલેન્ડ ટ્રકમાં રાજસ્થાન બાજુથી જીપ્સમ પ્લાસ્ટર પાવડરની થેલીઓ નીચે વિદેશી દારૂનો જંગી જથ્થો સંતાડીને ઝાલોદ તરફ લાવવામાં આવી રહ્યો છે. જે બાતમીના આધારે ઝાલોદ પીએસઆઈ એમ.એમ માળીએ પોતાના સ્ટાફના પોલીસ કર્મીઓને સાથે રાખી ઝાલોદના ધાવડિયા ચેકપોસ્ટ પર જરૂરી વોચ ગોઠવી હતી.
તે દરમિયાન રાજસ્થાન બાજુથી બાતમીમાં દર્શાવેલ નંબર વાળી ટ્રક દૂરથી આવતી નજરે પડતા વોચમાં ઉભેલ ઝાલોદ પોલીસ સાબદી બની હતી. તે સમયે તે ટ્રકના ચાલકે દૂરથી પોલીસ ની વોચ જોઈ લેતા પોતાની ટ્રક ધાવડીયા ચેકપોસ્ટથી થોડે દુર ઉભી રાખી ત્યાં જ ટ્રક મૂકી તે નાસી ગયો હતો. જે ટ્રક ઝાલોદ પોલીસે પકડી પાડી, ટ્રકની તલાસી લઈ ટ્રકમાંથી જીપ્સમ પ્લાસ્ટર પાવડરની થેલીઓ ખસેડી થેલીઓ નીચેથી રૂપિયા 17,11,128/- ની કુલ કિંમતની વિદેશી દારૂની પેટીયો નંગ- 326માં ભરેલ વિદેશી દારૂની 750 દ્બઙ્મ તથા 180 દ્બઙ્મની કાચની કુલ બોટલ નંગ- 5640 પકડી પાડી સાથે સાથે ટ્રકમાંથી રૂપિયા 67,500/-ની કુલ કિંમતની જીપ્સમ પ્લાસ્ટર પાવડરની થેલીઓ નંગ-300 પકડી પાડી સદર દારૂના જથ્થાની હેરાફેરીમાં ઉપયોગમાં લેવાયેલ રૂપિયા દસ લાખની કિંમતની અશોક લેલેન્ડ ટ્રક મળી કુલ રૂપિયા 27,78,628/-નો મુદ્દામાલ કબજે લઈ ટ્રક મૂકી નાસી ગયેલ ટ્રક ચાલક વિરૂદ્ધ પ્રોહિનો ગુનો નોંધી સદર દારૂનો જથ્થો ક્યાંથી લાવી ક્યાં પહોંચાડવાનો હતો તે બાબતે જરૂરી તપાસ હાથ ધરી છે.