- યાસીન હાલમાં તિહાડ જેલમાં આજીવન કેદની સજા કાપી રહ્યો છે.
નવીદિલ્હી, કાશ્મીરી ભાગલાવાદી નેતા યાસીન મલિકને ફાંસીની સજાની માંગ કરતી અરજી પર દિલ્હી હાઈકોર્ટમાં સુનાવણી હાથ ધરવામાં આવી હતી. જેને લઈને હાઈકોર્ટે યાસીનને ૯ ઓગસ્ટના રોજ હાજર થવા જણાવ્યું છે. યાસીન હાલમાં તિહાડ જેલમાં આજીવન કેદની સજા કાપી રહ્યો છે. તેની સામે એનઆઇએએ ફાંસીની સજાની માંગ કરી છે. જસ્ટિસ સિદ્ધાર્થ મૃદુલ અને જસ્ટિસ યશવંત સિંહની બેંચે યાસીનના કબૂલાત અને આરોપોની નકલ મંગાવી હતી. પહેલા કેસની સુનાવણી બપોરે ૧૨.૧૫ વાગ્યે ફરી શરૂ થવાની હતી, પરંતુ થોડા સમય માટે મુલતવી રાખવામાં આવી છે. ૨૦૨૨માં એનઆઇએ કોર્ટે યાસીનને યુએપીએ અને દેશ વિરુદ્ધ યુદ્ધ છેડવાના આરોપમાં આજીવન કેદની સજા સંભળાવી હતી. આ કેસમાં યાસીને પોતાનો ગુનો પણ કબૂલી લીધો હતો.
આ પહેલા, સોલિસિટર જનરલ તુષાર મહેતાએ એનઆઇએ વતી કહ્યું- જો દરેક ગુનેગાર પોતાનો ગુનો સ્વીકારે છે, તો તેને માત્ર આજીવન કેદની સજા મળશે, મૃત્યુદંડ નહીં. આમ કરવામાં નિષ્ફળતા એ ન્યાયની નિષ્ફળતા હશે, કારણ કે આઇપીસીની કલમ ૧૨૧ ભારત સરકાર સામે યુદ્ધ કરવા માટે મૃત્યુદંડની પણ જોગવાઈ છે. જો તે રેયરેસ્ટ ઓફ રેયર કેસ ન હોય કે જ્યાં કોઈ સતત સશ વિદ્રોહ,સેનાના જવાનોની હત્યા અને ઉત્તરાધિકારની હિમાયત કરે છે, તો તે દુર્લભ રેયરેસ્ટ ઓફ રેયર કેસ ન હોઈ શકે છે.
કાશ્મીરનો ભાગલાવાદી નેતા યાસીન મલિકને એનઆઇએ કોર્ટે ટેરર ફંડિંગ કેસમાં આજીવન કેદની સજા ફટકારી છે. યાસીનને અનેક કલમો હેઠળ સજા કરવામાં આવી છે. બે કેસમાં આજીવન કેદ અને અન્ય કેસમાં ૧૦ વર્ષની સજા. બધી સજા એક્સાથે ચાલશે. યાસીન વિરુદ્ધ પાકિસ્તાનના સમર્થનથી કાશ્મીરમાં આતંકવાદી હુમલાઓને ભંડોળ પૂરું પાડવા અને આતંકવાદીઓને શસ્ત્રો પૂરા પાડવા સંબંધિત ઘણા કેસ નોંધવામાં આવ્યા હતા.
મલિક પર ૨૫ જાન્યુઆરી, ૧૯૯૦ના રોજ શ્રીનગરમાં એરફોર્સના જવાનો પર હુમલો કરવાનો આરોપ છે. આ ઘટનામાં ૪૦ લોકો ઘાયલ થયા હતા, જ્યારે ચાર જવાન શહીદ થયા હતા. સ્ક્વોડ્રન લીડર રવિ ખન્ના તેમાંના એક હતા. આ તમામ લોકો એરપોર્ટ જવા માટે વાહનની રાહ જોઈ રહ્યા હતા, ત્યારે આતંકીઓએ તેમના પર હુમલો કર્યો હતો. મલિકે મીડિયાને આપેલા ઈન્ટરવ્યુમાં પણ આ વાતનો ઉલ્લેખ કર્યો હતો.
આ સાથે પાકિસ્તાની આતંકવાદીઓ સાથે સંબંધ હોવાના પણ આરોપો છે. આ સાથે જમ્મુ-કાશ્મીરના પૂર્વ સીએમ મુતી મોહમ્મદ સઈદની પુત્રી રૂબિયા સઈદના અપહરણના પણ આરોપો લાગ્યા છે. યાસીને ૧૯૯૦માં કાશ્મીરી પંડિતોની હત્યા કરવામાં અને તેમને ઘાટી છોડવા માટે મજબૂર કરવામાં પણ મહત્વની ભૂમિકા ભજવી હતી. મલિક પર ૨૫ જાન્યુઆરી, ૧૯૯૦ના રોજ શ્રીનગરમાં એરફોર્સના જવાનો પર હુમલો કરવાનો આરોપ છે.યાસીન મલિક એક ભાગલાવાદી નેતા છે અને તે જમ્મુ અને કાશ્મીર લિબરેશન ફ્રન્ટ સાથે સંકળાયેલો છે. તે કાશ્મીરના રાજકારણમાં હંમેશા સક્રિય રહ્યો છે. તેના પર યુવાનોને ઉશ્કેરવાનો અને હાથમાં હશિયાર લેવા માટે પ્રેરિત કરવાના આરોપ છે. રાષ્ટ્રીય તપાસ એજન્સી અને રાજ્ય એટીએસએ મયપ્રદેશના જબલપુરમાં સંયુક્ત ઓપરેશનમાં આઇએસઆઇએસ સાથે જોડાયેલા આતંકી મોડ્યુલનો પર્દાફાશ કર્યો છે. આ કેસમાં જબલપુરમાંથી ત્રણ લોકોની ધરપકડ કરવામાં આવી છે. ૨૬-૨૭ મેના રોજ જબલપુરમાં ૧૩ સ્થળોએ રાતોરાત દરોડા પાડ્યા બાદ ધરપકડ કરવામાં આવી હતી.