તાપી, ગુજરાતમાં આજનો દિવસ ગોઝારો સાબીત થયો છે. રાજકોટમાં કાર પુલ પરથી નદીમાં ખાબક્તા ચારના મોત થયાના સમાચાર સામે આવ્યા બાદ તાપીમાં પણ અકસ્માતમાં ૩ના મોત થયાની ઘટના સામે આવી છે. આ અકસ્માત એક વૃદ્ધાને બચાવવા જતા થયો હોવાનું સામે આવ્યુ છે.
તાપી જિલ્લામાં એક ગમ્ખાવર અકસ્માતમાં ત્રણ લોકોના મોત થયા છે. સોનગઢના હીરાવાડી ગામ પાસે થયો એક કારને અકસ્માત નડ્યો છે. ઘટના કઇક એવી છે કે એક વૃદ્ધા પગપાળા જઇ રહ્યા હતા. જેમને બચાવવા જતા કાર ઝાડ સાથે અથડાઈ હતી. વૃદ્ધા સહિત કારમાં સવાર એક મહિલા અને એક બાળકીનું ઘટના સ્થળે મોત થયુ છે.તો અકસ્માતમાં અન્ય ચાર લોકો ગંભીર રીતે ઇજાગ્રસ્ત થયા છે.
ઇજાગ્રસ્તોને સોનગઢ હોસ્પિટલમાં ખસેડાયા છે. સોનગઢ પોલીસે સમગ્ર મામલે વધુ તપાસ હાથ ધરી છે.