વિરપુર,મહિસાગરના વિરપુર તાલુકામાં આવેલ કુંભરવાડી ગામે એક ફળિયામાં મકાનમાં રહેતા હિતેશભાઈ પંચાલના મકાનની પરસાળના ભાગે અત્યંત ખુબ જ ઝેરી પ્રજાપતિનો કોબ્રા સાપ ધુસી આવતા પરિવારના સભ્યોમાં નાસભાગ મચી જવા પામી છે. સ્થાનિક રહિશ દ્વારા સાપ રેસ્કયુ કરતા વાઈલ્ડ લાઈફ રેસ્કયુ ટીમને જાણ કરાતા ટીમના સભ્યોએ ધટના સ્થળે પહોંચી સાપનુ રેસ્કયુ કર્યુ હતુ.વિરપુર તાલુકાના કુંભરવાડી ગામે એક મકાનની પરસાળમાં ભાગમાં એક બ્લેક કલરનો ફીણવાળો સાપ ધુસી આવ્યો હોવાનો કોલ વાઈલ્ડ લાઈફ રેસ્કયુ ટીમના સભ્યને મળતા તેઓ સ્થળ પર પહોંચી ગયા હતા. તેમજ સાપનુ રેસ્કયુ હાથ ધરી તેને સુરક્ષિત સ્થળે છોડી મુકાયો હતો.