વિરપુર, વિરપુરમાં સરકારી નિતી નિયમોનુ ઉલ્લંધન કરીને ફુડ સેફટી અને સ્ટાન્ડર્ડ એકટના લાયસન્સ વગર ઠેર ઠેર કેરીના રસની હાટડીઓ જોવા મળી રહી છે. જે રસ અસંખ્ય લોકો આરોગતા હોય છે. જયારે લોકોના આરોગ્ય પરવા કર્યા વગર હાટડીઓવાળા રંગ અને ઝેરી કેમિકલ ભેળસેળયુકત રસનુ વેચાણ કરી રહ્યા હોવાની જાણ થતાં ફુડ સેફટી વિભાગના ફુડ ઈન્સ્પેકટરની ટીમ દ્વારા વિરપુરના કેરીના રસની હાટડીઓ પર ચેકિંગ હાથ ધરી આઠ થી દસ જગ્યાએ કેમિકલ યુકત કલર જે સરકાર દ્વારા ખાવામાં ઉપયોગ કરવા માટે પ્રતિબંધ મુકેલ છે. તેવો રસ અને ચાસણી દેખાઈ આવતા 45 કિ.ગ્રા.કેરીનો રસ અને ચાસણીના જથ્થાનો અધિકારીઓની રૂબરૂમાં નાશ કરવામાં આવ્યો હતો. જયારે અન્ય છ જગ્યાએથી રસના સેમ્પલ લેવામાં આવ્યા હતા. અને આ તમામ કેરીના રસના ઠેલાના માલિકોને દિ-3માં સરકારી ધારાધોરણ મુજબ ખાઘ પદાર્થ વેચવા માટે જરૂરી લાયસન્સ માટે અરજી કરવાનુ અને અરજી ન કરે તો કાયદેસરની કાર્યવાહી હાથ ધરવામાં આવશે તેવી નોટિસ આપવામાં આવી હતી.