અફઘાનિસ્તાન ક્રિકેટ બોર્ડે ત્રણ ખેલાડીઓ સામે મોટી કાર્યવાહી કરી છે. બોર્ડે આ ખેલાડીઓના સેન્ટ્રલ કોન્ટ્રાક્ટ પર જ રોક લગાવવાની સાથે ત્રણેય ખેલાડીઓના ફ્રેન્ચાઈઝી ક્રિકેટ રમવા પર પણ પ્રતિબંધ લગાવી દીધો છે. ACBને આ ખેલાડીઓ સામે ફરિયાદ છે કે તેઓએ રાષ્ટ્રીય ફરજ કરતાં પોતાના અંગત હિતોનો વધુ વિચાર કર્યો છે.
અફઘાનિસ્તાન ક્રિકેટ બોર્ડે તેના 3 ખેલાડીઓને લઈને મોટી કાર્યવાહી કરી છે. તેણે ત્રણેય ખેલાડીઓ પર ફ્રેન્ચાઈઝી ક્રિકેટ રમવા પર પ્રતિબંધ મૂક્યો છે. ખેલાડીઓ પર આ પ્રતિબંધ 2 વર્ષ માટે છે. જે ત્રણ ખેલાડીઓને ફ્રેન્ચાઈઝી ક્રિકેટ રમવાથી રોકવામાં આવ્યા છે તેમના નામ મુજીબ ઉર રહેમાન, નવીન ઉલ હક અને ફઝલ હક ફારૂકી છે. અફઘાનિસ્તાન ક્રિકેટ બોર્ડે ત્રણેય ખેલાડીઓના વલણને ધ્યાનમાં રાખીને આ નિર્ણય લીધો છે. આ ત્રણેય ખેલાડીઓ અફઘાનિસ્તાન તરફથી રમવા કરતાં પોતાના અંગત હિતોને વધુ મહત્વ આપી રહ્યા હતા.
અફઘાનિસ્તાન ક્રિકેટ બોર્ડે એક પ્રેસ રિલીઝ જારી કરીને ખેલાડીઓ પર ફ્રેન્ચાઈઝી ક્રિકેટ રમવા પર પ્રતિબંધ લગાવવાની માહિતી આપી હતી. તેના નિવેદનમાં, બોર્ડે તે ખેલાડીઓ માટે કોમર્શિયલ લીગમાં રમવા અને રાષ્ટ્રીય ફરજ એટલે કે અફઘાનિસ્તાન માટે નહીં રમવાનો આગ્રહ કર્યો હતો.
એટલું જ નહીં બોર્ડે આ ખેલાડીઓના સેન્ટ્રલ કોન્ટ્રાક્ટ પણ બંધ કરી દીધા છે. અફઘાનિસ્તાન ક્રિકેટ બોર્ડે આ મામલે એક કમિટીની રચના કરી હતી, જેના એક સભ્યના જણાવ્યા અનુસાર, ત્રણેય ખેલાડીઓએ બોર્ડને તેમના નિર્ણય વિશે જાણ કરી હતી અને 1 જાન્યુઆરી, 2024ના સેન્ટ્રલ કોન્ટ્રાક્ટમાંથી મુક્ત થવાની ઈચ્છા વ્યક્ત કરી હતી. રાષ્ટ્રીય કાર્યક્રમોમાં તેમની ભાગીદારી માટે તેમની સંમતિ લેવામાં આવે તેવી પણ વિનંતી કરવામાં આવી હતી.
જો કે, હવે જ્યારે અફઘાનિસ્તાન ક્રિકેટ બોર્ડે મુજીબ, નવીન અને ફઝલને આગામી 2 વર્ષ માટે ફ્રેન્ચાઇઝી ક્રિકેટમાં રમવા માટે NOC આપવાનો ઇનકાર કરી દીધો છે, ત્યારે આ ત્રણેય આ વર્ષે IPLમાં રમતા જોવા મળે તેવી શક્યતા ઓછી છે. મુજીબ ઉર રહેમાનને આ વખતની IPL ઓક્શનમાં કોલકાતા નાઈટ રાઈડર્સે ખરીદ્યો છે. નવીન ઉલ હક પહેલેથી જ લખનૌ સુપર જાયન્ટ્સનો ભાગ છે. જ્યારે ફઝલહક ફારૂકીને સનરાઈઝર્સ હૈદરાબાદે જાળવી રાખ્યો છે. આ ત્રણેય ખેલાડીઓ વન ડે વર્લ્ડ કપમાં અફઘાનિસ્તાન તરફથી રમતા પણ જોવા મળ્યા હતા.