સમાજવાદી પાર્ટીના વડા અખિલેશ યાદવે સોમવારે ગોમતી નગર છેડતીની ઘટના અને અયોયા રેપ કેસ પર યોગી સરકાર પર વળતો પ્રહાર કર્યો હતો. અખિલેશે યોગી સરકાર પર મુસ્લિમો અને સમાજવાદીઓને બદનામ કરવાનો આરોપ લગાવ્યો. અખિલેશે વિધાનસભામાં યાદવ અને મુસ્લિમ આરોપીઓના નામ લેવા પર સવાલ ઉઠાવ્યા અને કહ્યું કે યાદી ઘણી લાંબી છે, પરંતુ માત્ર બેના જ નામ કેમ લેવામાં આવ્યા. તેમણે અયોધ્યામાં કિશોરી પર બળાત્કારના આરોપી સપાના નેતાના ડીએનએ ટેસ્ટની માંગને યોગ્ય ઠેરવી અને કહ્યું કે યોગી સરકાર એવા કેસમાં આ કાયદો લાવી છે જ્યાં સજા સાત વર્ષથી વધુ છે.
અખિલેશ યાદવે કહ્યું કે ભાજપ ચૂંટણી પહેલા ષડયંત્ર તૈયાર કરી રહ્યું છે. સરકાર પહેલા દિવસથી સમાજવાદીઓને બદનામ કરવાનો લક્ષ્યાંક ધરાવે છે. મુસલમાનોને લઈને મુખ્યમંત્રી યોગીની વિચારસરણી ગેરબંધારણીય અને અલોક્તાંત્રિક રહી છે. યોગી પર નિશાન સાધતા અખિલેશે કહ્યું, એક મુખ્યમંત્રી જે યોગી છે, તે યોગીને લોકશાહી પર ભરોસો નથી. બંધારણ પર વિશ્વાસ નથી. આવી વ્યક્તિ યોગી ન બની શકે.
હાથરસની ઘટનાનો ઉલ્લેખ કરતા અખિલેશે કહ્યું કે ભાજપના નેતાઓએ સંતના કાર્યક્રમની પરવાનગી માટે પત્ર લખ્યો હતો, પરંતુ સુરક્ષા વ્યવસ્થા કરવામાં આવી ન હતી. પરિણામ એ આવ્યું કે મોટી સંખ્યામાં લોકોએ જીવ ગુમાવ્યા અને ઘણા ઘાયલ થયા.
અખિલેશે કહ્યું કે બીજી ઘટના ગોમતી નગરની છે. આ કેસમાં આરોપીઓની યાદી ઘણી લાંબી હતી. પોલીસે તમામ નામોની યાદી આપી, તો પછી ગૃહમાં યાદવ અને મુસ્લિમના નામ કેમ વાંચવામાં આવ્યા. જે યાદવનું નામ લેવામાં આવ્યું હતું તે કેમેરા ફૂટેજમાં નહોતું. તે ચા પીવા ગયો હતો. પોલીસે યાદવને શોધી કાઢ્યો, તેથી તેણે તેને જેલમાં મોકલી દીધો. અખિલેશે કહ્યું કે આમાં પોલીસની ઓછી ભૂલ છે. સરકાર ઈચ્છે છે કે પોલીસકર્મીઓ ભાજપના કાર્યર્ક્તા બને.
અખિલેશે અયોધ્યા માં કિશોરી પર બળાત્કારના કેસમાં સપા નેતાની ધરપકડ પર ડીએનએ ટેસ્ટની માંગને પણ યોગ્ય ઠેરવી હતી. જો સમાજવાદી પાર્ટી કહે છે કે ડીએનએ ટેસ્ટ કરાવવો જોઈએ તો તેમાં ખોટું શું છે. પરિવારજનો પણ આ અંગે માંગ કરી રહ્યા છે.