વેજલપુર, કાલોલ-વેજલપુર હાઈવે રોડ કાનોડ ચોકડી પાસે ફોર વ્હીલ ચાલકે પોતાનું વાહન પુરઝડપે હંકારી લાવી અચાનક કાનોડ ચોકડી તરફવાળી દઈ બાઈકને અકસ્માત કરી ચાલક અને પાછળ બેઠેલ વ્યકિતને રોડ ઉપર પાડી દઈ ઈજાઓ પહોંચાડતા ફરિયાદ નોંધાઈ.
પ્રાપ્ત વિગતો મુજબ કાલોલ-વેજલપુર હાઈવે રોડ ઉપર કાનોડ ચોકડી પાસેથી પસાર થતી ફોર વ્હીલ ગાડી નં.જીજે.07.બીએન.6968ના ચાલકે વેજલપુર તરફથી આવી અચાનક કાનોડ ચોકડી તરફવાળી દઈ બાઈક નં.જીજે.17.સીએચ.3979ને અકસ્માત કરી બાઈક ચાલક ગૌતમભાઇ ચૌહાણ અને પાછળ બેઠેલ વ્યકિતઓને રોડ ઉપર પાડી દીધા હતા. જેને લઈ બાઈક ચાલક અને પાછળ બેઠેલ વ્યકિતને ઈજાઓ પહોંચાડી ગુનો કર્યાની ફરિયાદ વેજલપુર પોલીસ મથકે નોંધાવા પામી છે.