વિરપુર,
વિરપુર તાલુકાના ખાટા ગામના 22 વર્ષના આશાસ્પદ યુવાનનો મૃત હાલતમાં કુવામાંથી મળી આવતા સમગ્ર પંથકમાં ચકચાર મચી જવા પામી છે.
પ્રાપ્ત માહિતી અનુસાર વિરપુર તાલુકાના ખાટા ગામના યોગેશભાઈ પટેલનો પુત્ર હર્ષ પટેલ તા.08/03/2023ના રોજ અગમ્ય કારણોસર ગુમ થઈ ગયો હતો. જે બાબતની વિરપુર પોલીસ સ્ટેશનમાં જાણવા જોગ ફરિયાદ પરીવાર દ્વારા નોંધાવી હતી. ત્યારે આ ધટનાને લઈને પરીવાર ગામ સમાજ અને સગાસંબંધિઓએ હર્ષને શોધવા ખુબ શોધખોળ આદરી હતી પરંતુ કોઈ પત્તો મળ્યો ન હતો. જયારે આ વાતને ત્રણ-ચાર દિવસનો સમય વિત્યા બાદ એ જ ખાંટા ગામના અંબાલાલ હરીભાઈ પટેલના કુવામાં હર્ષનો મૃતદેહ મળી આવતા ખાટા અને આજુબાજુના વિસ્તારમાં ખળભળાટ મચી લોકો શોકમગ્ન બની જવા પામ્યા છે.