વોશિગ્ટન, અમેરિકાના દક્ષિણી મેદાનો અને ઓઝાર્ક્સ સહિત ચાર રાજ્યોમાં વાવાઝોડાનાં કારણે ૨૧ લોકોનાં મોત થયા હતા. વાવાઝોડાને કારણે સેંકડો મકાનો ધરાશાયી થયા હતા. તેમજ હવામાન વિભાગે હવામાન વધુ બગડવાની સંભાવના વ્યક્ત કરી છે.
સુત્રોના જણાવ્યા અનુસાર,મેમોરિયલ હોલિડે દરમિયાન મૃત્યુઆંકમાં વધારો થયો છે. અરકાનસાસમાં ઓછામાં ઓછા આઠ, ટેક્સાસમાં સાત, કેન્ટુકીમાં ચાર અને ઓક્લાહોમામાં બેના મોત થયા છે. નેશનલ વેધર સવસે જણાવ્યું હતું કે સોમવારે સાંજે ન્યુ જર્સી, ન્યુયોર્ક અને પેન્સિલવેનિયાના કેટલાક વિસ્તારોમાં વાવાઝોડાની ચેતવણી જારી કરવામાં આવી હતી. વાવાઝોડાથી ૩૦ મિલિયનથી વધુ લોકો અસરગ્રસ્ત થયા હતા.
દરમિયાન કેન્ટુકી રાજ્યના ગવર્નર એન્ડી બેશિયરે સોમવારે સવારે રાજ્યમાં આવેલા વાવાઝોડાને કારણે કટોકટીની સ્થિતિ જાહેર કરી હતી. એક અપડેટમાં, નેશનલ વેધર સવસે એટલાન્ટા વિસ્તાર અને જ્યોજયાના અન્ય ભાગો અને કેટલાક પશ્ર્ચિમી દક્ષિણ કેરોલિના કાઉન્ટીઓ માટે ઓછામાં ઓછા બપોર સુધી ભારે તોફાનની ચેતવણી જારી કરી હતી. કેટલાક વિસ્તારોમાં વીજળી પુન:સ્થાપિત કરવામાં ઘણા દિવસો લાગી શકે છે.
બેશેરે સોશિયલ મીડિયા પ્લેટફોર્મ એકસ પર એક પોસ્ટમાં કહ્યું કે તેણે પછીથી એક પ્રેસ કોન્ફરન્સમાં કહ્યું કે, “અમારા લોકો માટે તે મુશ્કેલ રાત હતી,” વિનાશક વાવાઝોડાએ લગભગ સમગ્ર રાજ્યને અસર કરી. અધિકારીઓએ જણાવ્યું કે તોફાનથી ૧૦૦ રાજ્ય ધોરીમાર્ગો અને રસ્તાઓને નુક્સાન થયું છે.
ગવર્નર ગ્રેગ એબોટે રવિવારે મીડિયાને જણાવ્યું કે, ઓક્લાહોમા સરહદ નજીક ઉત્તરી ટેક્સાસમાં એક શક્તિશાળી ટોર્નેડોએ એક બે વર્ષનો અને એક પાંચ વર્ષના બાળકનો ભોગ લીધો છે અને અંદાજે ૧૦૦ લોકો ઘાયલ થયા છે.