મુંબઈ,
છેલ્લા કેટલાક મહિનાઓથી બોલિવૂડ એક્ટ્રેસ કૃતિ સેનન તેના પ્રભાસ સાથેના અફેરને લઈને ચર્ચામાં છે. કૃતિ અને પ્રભાસના અફેરની બોલિવૂડમાં ખુબ ચર્ચા છેે ત્યારે હવે કૃતિના એક ખુલાસાએ ચર્ચાને બીજા રસ્તે વાળી દીધી છે. હવે કૃતિએ તેના રિયલ બોયફ્રેન્ડનું નામ જાહેર કરીને ફેન્સને ચોંકાવી દીધા છે.
સોશિયલ મીડિયા પર પોતાની પર્સનલ અને પ્રોફેશનલ લાઈફ વિશે અપડેટ્સ શેર કરતી કૃતિ હાલમાં જ સોશિયલ મીડિયા દ્વારા ફેન્સ સાથે જોડાઈ હતી. આ દરમિયાન તેણે પોતાના રિલેશનશિપ સ્ટેટસ વિશે પણ વાત કરી. કૃતિ સેનને ઇન્સ્ટાગ્રામ પર આસ્ક મી એનિથિંગ સેશન દરમિયાન પ્રભાસ સાથેના તેના સંબંધો વિશે ખુલાસો કર્યો હતો. આ દરમિયાન તેણે ફેન્સને કંઈપણ પૂછવાનું કહ્યું. આ દરમિયાન ફેન્સે એક્ટ્રેસને તેની બ્યુટી ટિપ્સથી લઈને તેના આગામી પ્રોજેક્ટ સુધીના ઘણા પ્રશ્ર્નો પૂછ્યા હતા. અહીં મોટાભાગના સવાલો એક્ટ્રેસના અંગત જીવન વિશે પૂછાયા. આ સેશનમાં મોટાભાગના ફેન્સે કૃતિના બોયફ્રેન્ડનું નામ જાણવામાં વધારે રસ દાખવ્યો. આ દરમિયાન એક ફેને કૃતિને પૂછ્યું કે તેના બોયફ્રેન્ડનું નામ શું છે? આ સવાલના જવાબમાં કૃતિ સેનને એક વીડિયો શેર કર્યો હતો, જેમાં તેણે કહ્યું હતું કે, તે એક સિક્રેટ છે…મારા માટે પણ. જવાબ આપ્યા બાદ કૃતિ મોટેથી હસવા લાગી.
અહીં તમને જણાવી દઈએ કે, કૃતી સેનન અને પ્રભાસના ડેટિંગના સમાચારે ભેડિયાના પ્રમોશન દરમિયાન વેગ પકડ્યો હતો. વરુણ ધવને પ્રમોશન દરમિયાન મજાકમાં કૃતિ અને પ્રભાસના નામ જોડ્યા હતા. આ ફિલ્મમાં પ્રભાસ અને કૃતિ સાથે જોવા મળશે.